Олӧмыс сӧмын заводитчӧ

Дона ёртъяс!

Талун лыддям Пётр Федотович Шаховлысь небӧг.

«Олӧмыс сӧмын заводитчӧ» — татшӧм ним улын петалiс гижысьлӧн медводдза повесть 1964 воын. Небӧгсӧ сиӧма сэкся кадся йӧзлы да олӧмторъяслы.

Повестьыслӧн шӧр герой - том агроном Антонина Попова. Сельскохозяйственнӧй техникум помалӧм бӧрын сiйӧ локтӧ чужан сиктас. Тані бара аддзысьӧ аслас важ тӧдсаяскӧд, челядьдырся ёртъясыскӧд. Регыд мысти сылы ковмылӧ кутшӧмкӧ кад кежлӧ вежлыны артельса председательӧс. Но, вӧлӧмкӧ, абу кокни лоны овмӧсӧн веськӧдлысьӧн. Колӧ бура тӧдны олӧмсӧ и йӧзсӧ. Сы вӧсна, мый сылӧн зэв на ичӧт уджалан да олан опытыс, сійӧ вӧчӧ кутшӧмсюрӧ ӧшыбкаяс. Но ёртъясыс, колхозникъяс отсалӧны сылы гӧгӧрвоны тайӧ ӧшыбкаяссӧ да бырӧдӧны найӧс.

Гижысь кужӧмӧн петкӧдлӧ сиктса олӧм, сэтчӧс олысьясӧс да уджалысьясӧс.

Лыддьӧй небӧгсӧ, ёртъяс!

Шахов П. Ф. Олöмыс сöмын заводитчö : повесть. - Сыктывкар: Коми книжнöй издательство, 1964. - 103 л. б.

Инвентарнöй номеръяс: 2889к - дх, 2895к - дх, 2891к - кр.