Неджӧг

Дона лыддьысьысьяс!

Талун вöзъям лыддьыны Василий Лодыгинлысь выль небöг – «Неджöг».

Гижысь йöзöдчö 1968 восянь. Гижöдъяссö позьö аддзыны уна газет да журналысь. Петкӧдчӧ кыдзи кывбуралысь, сьыланкывъяс лӧсьӧдысь, гижысь, журналист, вуджӧдчысь.

Василий Григорьевич гижӧ чужан му, уджалысь йӧз, томулов да радейтчӧм йылысь. Тöдчана пай сылöн поэзияас босьтö философскöй миниатюраяс – 4-8 визя кывбуръяс. Гижö оз сöмын верстьöлы, но и медся ичöт лыддьысьысьяслы.

«Неджöг» - тайӧ выль небӧг, кӧнi гижысь петкӧдлӧ сиксаяслысь удж да пöсь, вежöр да кутöд сьöлöмсӧ да ловсӧ. Быдöнлöн кутшöмкö, да мог, и зiльö пöртны сiйöс олöмö бурö сетчöмöн, важ йöзлысь да бать-мамлысь велöдöмсö пыдди пуктöмöн. Гижысьлöн йöзыс эскöны, мый аскиа луныс лоö бурджык, коми оласног кутчысяс дыр на, чужан мулöн мичлуныс гажöдас помтöг.

Öнi, кор олöмыс видзöдö весьöпöртны, татшöм зумыд вужйысь петöм гижöдъяс колöны на. Сэтчö жö став гижöдыс – висьтъясыс да ас йылысь пасйöдъясыс – зэв кокниа лыддьыссьö, тöдчö, мый найöс гижöма поэт.

Ёртъяс, лыддьöй да донъялöй выль небöгсö!

Лодыгин В. Г. Неджӧг : висьтъяс, казьтылӧмъяс / Василий Лодыгин ; [серпасалiс Г. Шарипков]. - Сыктывкар : Анбур, 2019. - 290, [2] лист бок.

Инвентарнӧй номеръяс: 12643к – кр, 12644к – дх, 12645к – дх, 12646к - дх