04 сентября 2019 Сигудöка шоръясДона лыддьысьысьяс! Талунъя петас сиам поэзия радейтысьяслы. И вöзъям лыддьыны Юрий Васютовлысь «Сигудöка шоръяс» кывбура сборник. Тайö небöгас поэзиялöн серпасъяс пыр автор вöзйö ассьыс гражданскöй да философскöй видзöдлас морт олöмлöн уна вожа аслыспöлöслун вылö. Лирическöй геройяс гижыськöд öтвылысь восьтöны ныв-зон костын гöрддзасьысь да пöча-пöля костын кутчысьысь муслунлысь мичлунсö. Нэмъясöн чöжсьöм сöдз коми кывйыс тöдчöдö помтöм-дортöм, ытва ота вöр-вакöд коми йöзлысь йитöдсö. Поэт бура тöдö пöль-пöч кывлысь рöдман вынсö: кыдзи ловзьöм кöйдыс петö йöз син водзö из чукöр пыр, сiдз жö серпаса кыв мунас нэмъяс пыр да воас лыддьысьысь дорö. Автор ичöтсянь сибалö вöр-ва да му бердын сьöкыд удж дорö. Чери кыйöм и вöралöм, турун заптöм и му вöдитöм – сиктын быть колана уджысь став сикасыс петкöдчö Юрий Васютовлöн кывбуръясын, но сэк жö сiйö тöдчöдö: «Муöс ме кöдза ог няньöн, кöдза ме ас коми кылöн». Лыддьöй да донъялöй, ёртъяс, тiянлы гижöма! Васютов Юрий Константинович. Сигудöка шоръяс : кывбуръяс, поэмаяс / Юрий Васютов; серпасалiс А. В. Мошев. - Сыктывкар : Редакция журнала "Арт", 2008. - 365, [3] л. б.
Инвентарнöй номеръяс: 10045к – дх, 10046к – дх, 10047к – дх, 10048к – дх, 10049к – а, 10050к – а. | 
