Курыд паметь

Дона лыддысьысьяс!

Талун лыддям Степан Раевскийлысь «Курыд паметь» небöг.

Великöй Отечественнöй война… Мыйта шог сiйö вайис йöзлы. Коми гижысь Степан Раевский вöлi фронт вылын война заводитчöмсяньыс бöръя лунöдзыс да ас вывтiыс нуис войналысь став сьöкыдлунсö. Вöлi сiйö салдат-артиллеристöн, взводса да батареяса командиръясöн, торъя противотанкöвöй дивизионын штабса начальникöн. Капитан Раевскийöс наградитiсны уна боевöй медальöн да орденöн, сiйö куимысь ранитчылiс – сьöлöм бердас кувтöдзыс новлöдлiс фашистскöй пуля.

Тайö небöгыс сылöн войнавывса ёртъяс йылысь, кодъяс повтöг тышкасисны да унаöн на пиысь пуктiсны ловнысö миян Рöдина вöсна. Сiджö Степан Раевский гижö войнабöрся сиктын сьöкыд олöм йылысь, коми йöзлöн удж да тöждлунъяс йылысь.

Лыддьысьöй окотапырысь, ёртъяс!

Раевский С. С. Курыд паметь : повесть, висьтъяс, новеллаяс / Степан Раевский ; серпасалiс С. Г. Терещенко. - Сыктывкар : Коми небöг лэдзанiн, 2000. - 189, [3] л. б.

Инвентарнöй номеръяс: 8141к – дх, 8142к – дх, 8144к – дх, 8056к – дх, 8145к – а, 8055к – кр.