г. Сыктывкар

ул. Орджоникидзе, 10

ул. Катаева, 41

8 (8212) 255-422

leninka@nbrkomi.ru

Пн - Пт: с 10.00 до 19.00

Сб: выходной

Вс: с 10.00 до 17.00

Последняя среда месяца - санитарный день

санитарный день

Национальная библиотека Республики Коми
Умная библиотека для общества знаний
Расширенный поиск
Меню
10 июля 2019

Тi кöть шудаöсьджык лоöй!

Дона лыддьысьысьяс!

Талунъя петас сиам тöдчана кадпаслы, Иван Алексеевич Куратовлöн чужан лунсянь 180 во тырöмлы. И вöзъям лыддьыны «Тi кöть шудаöсьджык лоöй!» кывбур чукöр.

Иван Куратов – медводдза коми поэт, коми литературалы да литературнöй кывлы подув пуктысь, ХIХ нэмын на сiйö гижис «небыд, мича, гора…» коми кывйöн.

Тайö небöгас öтувтöма поэтлысь медся нималана да тöдчана кывбуръяссö. Лыддьысьысь тöдмалас, кыдзи олiс поэт, мый йылысь мöвпалiс, мый сiйöс майшöдлiс, мый вöрзьöдлiс сьöлöмсö. Сылöн кывбуръясын эм ставыс: коми войтыр вöсна тöжд да шог, олöм вылö ас видзöдлас да сiйöс донъялöм, водзö вылö югыд лача.

Небöгас пыртöма роч да суйöрсайса классикаысь вуджöдöмъяс.

Коми литература туялысь Г. Беляев зэв лöсьыда шуöма: «Куратов лои сiйö мортнас, кодын ылькнитöмöн ылькнитiс комияслöн медся бурыс, водзö видзöдысьыс, ылö аддзысьыс. Ылысмöм нин кадö чужтiс комиыс сэтшöм мортöс, кодi и уна-уна во мысти быттьö öнiя – талунъя, том да выль…»

Кутам лача, мый олöм радейтана югыд поэзияыс гижысьлöн пыр кутас овны Коми муын. Лыддьöй кывбуръяссö!

Коми кыв ме тöда,

Ыджыдтор оз шу на,

Тöда ме и сiйö -

Оз и сöр на уна.

Тайö кыв мем дона,

Небыд, мича, гора -

Вунöдас ен мыжöс,

Кодыр сiйöн кора!

Куратов Иван Алексеевич. Тi кöть шудаöсьджык лоöй! : кывбурьяс, поэмаяс / Иван Куратов ; лöсьöдiс В. В. Тимин ; серпасалiс Г. Н. Шарипков ; ред. Е. В. Ветошкина ; Союз писателей Республики Коми. - Сыктывкар : Коми гижысь котыр, 2009. - 286, [2] л. б.

Инвентарнöй номеръяс: 10792к – кр, 10793к – дх, 10794к – дх, 10795к – дх, 10796к – а, 10797к – а, 10798к – а, 10947к - дх

  • Край брусничных закатов: 90 лет нефтяной промышленности Республики Коми
    Альбом
  • Попов Вячеслав Александрович
    Библиографический указатель научных трудов
  • Фронтовики и труженики тыла усть-немской земли в 1941-1945 гг. Кн. 3.
    Напалков А. И.
    Научно-популярная литература
  • Автолет, подаренный Уррой
    Кокачев А. В.
    Научно-популярная литература
  • Багрение : поэма о русских головах
    Расторгуев А. П.
    Лирическая проза
  • Земля крылатых яблонь
    Расторгуев А. П.
    Поэзия
  • Серебряный рай
    Хохлин М. И.
    Поэзия
  • Из прошедших лет
    Матюшин Э. И.
    Сборник
< >
  • Мы в соц сетях
  • < Yandex.Metrika informer --> Яндекс.Метрика