Личный кабинет

г. Сыктывкар

ул. Орджоникидзе, 10

ул. Катаева, 41

8 (8212) 255-422

leninka@nbrkomi.ru

Пн - Пт: с 10.00 до 19.00

Сб: выходной

Вс: с 10.00 до 17.00

Последняя среда месяца - санитарный день

санитарный день

Национальная библиотека Республики Коми
Умная библиотека для общества знаний
Расширенный поиск
Меню
05 июня 2019

Чӧв!

Дона лыддьысьысьяс!

Талунъя петас бара сиам том гижысьлӧн небӧглы.

Тӧдмасям – Шомысова (Старцева) Алёна Александровна (1986) — коми гижысь, вуджӧдчысь. И сылӧн небӧг лыддьӧм вылӧ – «Чӧв!».

Алёна Старцева чужӧма Кулӧмдiн районса Скӧрӧдум грездын. 2009 воын помалӧма Сыктывкарса канму университетысь филология факультетса коми юкӧн. Редакторалӧма «Войвыв кодзув» журнал редакцияын. Велӧдӧма Коми республикаса Юралысьбердса Искусствояс гимназияын.

Алёна Шомысова гижӧ кывбуръяс да проза. Кывбуръяс босьтчӧма гижны 15 арӧссянь. Гижӧдъяссӧ йӧзӧдлӧма коми газет-журналъясын да альманахъясын («Ме тэнӧ радейта», «Мне рассказали одуванчики», «Няньӧн-солӧн», «Медводдза муслун», «Льӧм ю»). «Войвыв кодзув» журналын петавлӧма сылӧн «Тӧдмав менӧ» медводдза повесьт.

Йӧзӧдчыны кутӧма студенталігӧн на. Гижан сям сӧвмӧдӧм могысь велӧдчӧма Гожся университетын, пырӧдчис «Арт» журналлӧн литературнӧй кытшӧ, Коми гижысь котырлӧн литературнӧй кытшӧ. 2016-ӧд восянь пырӧ Рочмуса гижысь котырӧ.

Талун тӧдмӧдам "Чӧв!" небӧгӧн. Тайӧ Алёналӧн вӧлi мӧд небӧг. Лэдзӧма “Шондіа енкӧла” небӧг чукӧрын. Том гижысьлӧн книгаӧ пырисны сiйӧ кад кежлас дас воӧн чӧжӧм кывбуръяс. Лыддьысьысь водзын Алёна, быттьӧ матысса йӧз водзын, восьтӧ сьӧлӧмсӧ и ловсӧ, мӧвпалӧ кад, морт олӧм да кывлӧн вын йылысь.

Талун нинӧм эн висьтав. Чӧв.

Колӧ велавны тэтӧг овны, -

Разьны миянӧс йитысь кӧв,

Медым лэбачӧн мездмас ловным.

Чайтiм, дойнымӧс вуштас тӧв,

Öта-мӧдлы кӧ лоам ертӧн.

Сӧмын мӧдарӧ на: кык пӧв

Содiс шогыс кык шудтӧм мортлӧн…

«Чӧв!»

2012.02.13

Шомысова Алена Александровна. Чöв! : кывбуръяс / Алёна Шомысова ; ред. Е. Е. Афанасьева ; серпасалiс Ю. Н. Лисовский. - Сыктывкар : Коми Республикаса гижысь котыр, 2012. - 29, [3] л. б.

Инвентарнӧй номеръяс: 11480к - кр, 11481к - дх, 11482к - дх, 11483к - дх, 11484к - а, 11920к - а.

Лыддьысьöй, ёртъяс!

  • Край брусничных закатов: 90 лет нефтяной промышленности Республики Коми
    Альбом
  • Попов Вячеслав Александрович
    Библиографический указатель научных трудов
  • Фронтовики и труженики тыла усть-немской земли в 1941-1945 гг. Кн. 3.
    Напалков А. И.
    Научно-популярная литература
  • Автолет, подаренный Уррой
    Кокачев А. В.
    Научно-популярная литература
  • Багрение : поэма о русских головах
    Расторгуев А. П.
    Лирическая проза
  • Земля крылатых яблонь
    Расторгуев А. П.
    Поэзия
< >
  • Мы в соц сетях
  • < Yandex.Metrika informer --> Яндекс.Метрика