г. Сыктывкар

ул. Орджоникидзе, 10

8 (8212) 255-422

leninka@nbrkomi.ru

Пн - Пт: с 10.00 до 19.00

Вс: с 10.00 до 17.00

Суббота - выходной

санитарный день

Национальная библиотека Республики Коми
Умная библиотека для общества знаний
Меню
29 мая 2019

Тувсов синва

Дона лыддьысьысьяс!

Республикаса том гижысьяс йылысь коми войтыр тӧдӧ этша на. И со талунъя и мӧд петасъяс кӧсъям сины налы. А талун тӧдмӧдам тiянӧс на пиысь ӧтикӧд.

Нестерова Алёна Николаевна (1985) — том коми кывбуралысь. Нывдырся овыс — Старцева. Йӧзӧдчӧ «Алёна Старцева» гусяним улын. Чужис Висер вожса Ыджыдвиддзын. 2007 воын помаліс Сыктывкарса государственнӧй университетысь финн-йӧгра факультет. Уджалӧ Коми Республикаса челядь библиотекаын, коми юкӧнын.

Медводдза кывбурыс гижысьлӧн петавліс 1996 воын «Би кинь» журналын. Алёна гижӧ кывбуръяс комиӧн и рочӧн, тэчӧ верлибръяс да рифмаа стихъяс. Кывбуръяссӧ йӧзӧдлывлісны «Разноцветные фантазии», «Край родной, ты дорог мне», «Небыдик ловшы», «Ме тэнӧ радейта…» альманахъясын, «Российский писатель» москваса газетын, «Войвыв кодзув» журналын.

Ас кадӧ Алёна вӧлі том авторъяслӧн республикаса семинаръяс вылын, пырӧ литературнӧй котырӧ. Том гижысьлы кыпыд лов шыа кывбуръясысь сетӧма А. Лужиков нима литературнӧй премиа.

2011 воын Алёна Старцевалӧн петіс «Лолыштӧм» нима медводдза асшӧр кывбур чукӧр, 2015 воын — «Тувсов синва» кывбура небӧг. Со талун и кӧсъям тӧдмӧдны тайӧ небӧгнас.

«Тувсов синва» - кутшӧм мича нимыс небӧгыслӧн. И кывбуръясыс танi кыпыдӧсь, югыдӧсь, наын сы мында радейтӧмыс... Мукӧддырйи чуймалан — кыдзи гижысь тӧрӧдӧ ассьыс муслунсӧ ичӧтик кывбурӧ. Неыджыд небӧгын том поэтлӧн тырмис сьӧлӧмыс висьтавны бур кыв и чужанінлы, и бать-мамлы, и коми кывлы. Со кыдзи сiйӧ висьталӧ коми кыв йылысь, петкӧдлӧ став сьӧлӧмсяньыс радейтӧмсӧ чужан кыв дорӧ:

Коми кывйӧн лолала да ола,

Коми кывйӧн мамӧ дiнӧ вола.

Коми кывйӧн сьывны-мойдны кужа,

Коми кывйӧн уна вӧлӧк вуджа.

Коми кывсӧ корся ёльысь, виддзысь.

Коми кывсӧ лелькуйта да видза.

Коми кывсӧ йылӧмъяслы сета –

Медся мича кывсӧ вӧльнӧй светас!

Ёртъяс, лыддьӧй кывбуръяссӧ да донъялӧй!

Виччысям тiянӧс библиотекаын.

Старцева Алёна Николаевна. Тувсов синва: кывбуръяс / Алёна Старцева ; [небöгсö серпасалiс Ксения Крючкова]. - Сыктывкар : Коми Республикаса гижысь котыр, 2015. - 30, [2] л. б. : серпас - 978-5-9907289-1-2

Инвентарнöй номеръяс: 12186к – кр, 12189к – дх,,12192к – дх, 12196к – дх, 12199к - а

  • Искусство медленного чтения
    Искусство медленного чтения
    Монография
  •  ДНК = DNA: история генетической революции
    ДНК = DNA: история генетической революции
    Уотсон Джеймс Дьюи
    Научно-популярная литература
  •  Рабочие отношения
    Рабочие отношения
    Рубан В. Д.
    Популярная психология
  •  В главных ролях
    В главных ролях
    Рунге Татьяна
    Популярная психология
  • Das Göttinger Nobelpreiswunder - 100 Jahre Nobelpreis
    Das Göttinger Nobelpreiswunder - 100 Jahre Nobelpreis
    Cправочное издание
  • Валентина Челинцова
    Валентина Челинцова
    Трифонова Г. С.
    Монография
  • Казимир Малевич и его пророчество о «новом бытие»
    Казимир Малевич и его пророчество о «новом бытие»
    Сидорина Е. В.
    Монография
  • Иконография Сталина
    Иконография Сталина
    Руцинская И. И.
    Монография
< >
Яндекс.Метрика