г. Сыктывкар

ул. Орджоникидзе, 10

8 (8212) 255-422

leninka@nbrkomi.ru

Пн - Пт: с 10.00 до 19.00

Вс: с 10.00 до 17.00

Суббота - выходной

санитарный день

Национальная библиотека Республики Коми
Умная библиотека для общества знаний
Меню
03 апреля 2019

Кык джын

Дона лыддьысьысьяс!

Талун ми вӧзъям лыддьӧм вылӧ Евгений Козловлысь (сiйӧ жӧ Евгений Валериан) «Кык джын» кывбура-прозаа небӧг.

Евгений Козлов ёнджыкасӧ тӧдса кыдзи поэт. Кывбуръясыслы лӧсялӧ пыді сьӧлӧм кылӧмъяс петкӧдлӧм. Сылӧн петавліс кывбуръяса куим чукӧр: «Водзкыв пыдди», «Узьтӧм войяс», «Кык книга». Эмӧсь Е. Козлов творчествоын и прозаа ичӧтик гижӧдъяс.

«Кык джын» небӧгӧ пырисны кывбуръяс да висьтъяс.

Поэт гижӧ мича коми кывйӧн, сёрнитӧ сы йылысь, мый дона быд мортлы, - коркӧ шогпырысь, коркӧ нюм сорӧн, но век зэв ясыда и ӧттшӧтш зэв пыдiсянь.

«Кык джын» - сiйӧ… кык вын, бордъя кывбур да сюрӧса проза; кык тшын: вадор бипурлӧн да чужан керкалӧн – на дорын лолыд инасяс и сьӧлӧмыд бурмас ; кык стын: кык морт – инь да ай. Öтув сӧльнитчӧм и асвыйӧн овны кӧсйӧм. Му вылас ставлӧн эм гоз пӧв, аслас джын. Сiйӧс аддзыны зiльӧм и нуӧдӧ мортӧс.

Тайӧ небӧгсьыс тi верманныд лыддьыны зэв уна кывбур, кӧнi поэт аслас вир-яйӧн и ловнас – вӧр-ваӧн чужтӧмтор. Öти кывбурысь лыддям: «Кутшӧм лӧсьыд, вӧлӧм, зэрӧм бӧрын ветлӧдлыны чӧла арся вӧрын…».

И пытшкӧсса олантэчасыс, и йӧзкостса оланногыс Е. Козловлӧн йитчӧма вӧр-ваыскӧд да кад муртаскӧд:

«…И, кор мусаӧн тэныд эг ло,

йӧйыд, кымынысь воштылi юрӧс,

вӧлi писькӧдча ичӧт вӧр юлань,

ӧзта бипур да пальӧда лов».

Поэт и збыль быттьӧ велӧдчӧ «быд гаг-пемӧслысь…быд цветлысь» лоны тырвыйӧ мортӧн, велӧдчӧ на ног мӧвпавны, радейтны.

Козлов Евгений Валерианович. Кык джын : кывбуръяс. Висьтъяс / Евгений Валериан. - Сыктывкар : Арт журнал редакция, 2017. - 191 лист бок

Инв. номеръяс: 12478к - кр, 12479к - дх, 12480к - дх, 12481к - дх

Лыддьӧй да донъялӧй кывбуръяссӧ! Радпырысь виччысям тiянӧс библиотекаын!

  • Искусство медленного чтения
    Искусство медленного чтения
    Монография
  •  ДНК = DNA: история генетической революции
    ДНК = DNA: история генетической революции
    Уотсон Джеймс Дьюи
    Научно-популярная литература
  •  Рабочие отношения
    Рабочие отношения
    Рубан В. Д.
    Популярная психология
  •  В главных ролях
    В главных ролях
    Рунге Татьяна
    Популярная психология
  • Das Göttinger Nobelpreiswunder - 100 Jahre Nobelpreis
    Das Göttinger Nobelpreiswunder - 100 Jahre Nobelpreis
    Cправочное издание
  • Валентина Челинцова
    Валентина Челинцова
    Трифонова Г. С.
    Монография
  • Казимир Малевич и его пророчество о «новом бытие»
    Казимир Малевич и его пророчество о «новом бытие»
    Сидорина Е. В.
    Монография
  • Иконография Сталина
    Иконография Сталина
    Руцинская И. И.
    Монография
< >
Яндекс.Метрика