г. Сыктывкар

ул. Орджоникидзе, 10

8 (8212) 255-422

leninka@nbrkomi.ru

Пн - Пт: с 10.00 до 19.00

Вс: с 10.00 до 17.00

Суббота - выходной

санитарный день

Национальная библиотека Республики Коми
Умная библиотека для общества знаний
Меню
20 марта 2019

Биармияса викинг

Дона лыддысьысьяс!

Талун вöзъям лыддьöм вылö Владимир Тиминлысь «Биармияса викинг» роман. Небöгсö сиöма кыдз шöр да гырысь арлыда челядьлы, сiдз и верстьö йöзлы.

Ылö бöрö кольöм нэмъяс йылысь ми тöдам школасянь: важся Египет, Греция, Рим, Киевса Русь… А мый вöлi сiйö жö кадас миянладорын, тöдам зэв этша. Быттьö сэки эг на и вöлöй.

Тайö кад йывсьыс и висьтавсьö «Биармиаса викинг» романын. Шöр геройыс – Чож Ур, Бьярма, кодöс зонкаöн на мырдöн нуöдöмаöсь аскöдныс викингъяс. Вояс чöжöн, чужан мусянь ылын, мыйыс сöмын эз усьлы сы пай вылö!

Ылö бöрö кольöм нэмъясыс видзöны уна шензьöдана лоöмтор. Öнi гаравлöны Биа Ур Му (Биармиа) йылысь. Вöвлi сiйö али эз? Роч гижысьяс, М. В. Ломоносов да Н. М. Карамзин лыддьöны, мый вöвлi. «Биармияöн шулiсны скандинавъяс став сiйö паськыд странасö, мый нюжалöма Войвыв Двинасянь и Белöй моресянь Печора юöдз… Перым да важся Биармия – öткодь нимъяс. Сэтчö пырлiсны Архангельск, Вöлöгда, Вятка да Перым губернияяс.

Некод вузасьöм-ньöбасьöмын эз вермыв вензьыны Биармиякöд. Сiйö вермылöма вöзйыны ылыс да матыс странаяслы абу сöмын дона куяс, но и эзысь, кöрта кöлуй, сов. И эз сöмын вежласьны – öтитор вылö мöдтор, но вöдитчисны и паськыда ветлысь сьöмöн».

Сiдзкö, Н.М. Карамзинлöн шуöмысь позьö гöгöрвоны, мый висьтасьöмъясыс Биа Ур Му йылысь – абу пöръялöм. Мыйкö век жö вöлi. Чайтам, сэнi талунъя комилöн чужан вужъясыс. А сiдзкö, сэнi и миян ылысса чужан вужъясöй.

Биа Ур Му и öнi на олö. Олö уна лыда легенда-висьтын, Скандинавияса да исландияса сагаясын. А легенда-висьтыд овлö збыльджыкöн весиг сыысь, мый ми шуам историяöн.

Ёртъяс, лыддьöй небöгсö да тöдмалöй выльтор!

Тимин В.В. Биармиаса викинг. Роман. – Сыктывкар: «Эскӧм» газет редакция» Коми Республикаса автономнӧй учреждение, 2012.- 240 л.б.

Инв. номеръяс: 11452к-кр; 11453к-дх, 11454к-дх, 11455к-а, 11456к-а, 11605к - дх, 11606к-а.

Радпырысь виччысям тiянöс библиотекаын!

  • Искусство медленного чтения
    Искусство медленного чтения
    Монография
  •  ДНК = DNA: история генетической революции
    ДНК = DNA: история генетической революции
    Уотсон Джеймс Дьюи
    Научно-популярная литература
  •  Рабочие отношения
    Рабочие отношения
    Рубан В. Д.
    Популярная психология
  •  В главных ролях
    В главных ролях
    Рунге Татьяна
    Популярная психология
  • Das Göttinger Nobelpreiswunder - 100 Jahre Nobelpreis
    Das Göttinger Nobelpreiswunder - 100 Jahre Nobelpreis
    Cправочное издание
  • Валентина Челинцова
    Валентина Челинцова
    Трифонова Г. С.
    Монография
  • Казимир Малевич и его пророчество о «новом бытие»
    Казимир Малевич и его пророчество о «новом бытие»
    Сидорина Е. В.
    Монография
  • Иконография Сталина
    Иконография Сталина
    Руцинская И. И.
    Монография
< >
Яндекс.Метрика