г. Сыктывкар

ул. Орджоникидзе, 10

8 (8212) 255-422

leninka@nbrkomi.ru

Пн - Пт: с 10.00 до 19.00

Вс: с 10.00 до 17.00

Суббота - выходной

санитарный день

Национальная библиотека Республики Коми
Умная библиотека для общества знаний
Меню
19 декабря 2018

Радейтана, муса

Дона лыддьысьысьяс!

Мортӧс радейтӧм – тайӧ быд гижысьлӧн медшӧр мог. Но тырвыйӧ бура гӧгӧрвоан тайӧс, кор лыддян Нина Куратовалысь небӧгъяс. Аслас гижӧдъясын сiйӧ нимкодясьӧ мортлӧн мичлунӧн, шаньлунӧн.

«Радейтана, муса» - татшӧм мича ним улын небӧг вӧзъям талун лыддьӧм вылӧ. Небӧгсӧ тыр-быра артмӧдӧмаӧсь сэтшӧм висьтъяс, кӧнi оз торъяв геройяслӧн «ас понда» да йӧз вӧсна вийсьӧмыс.

Торйӧн кӧсъям тӧдмӧдны «Батьяс йылысь висьтӧн». Нормылан и нюмдылан лыддигас, йиджтысян ачыд тшӧтш геройяслӧн сӧстӧм да кыпыд кӧсйӧмъясӧн. Автор гижӧ сы йылысь, мый бура тӧдӧ, мый прӧдитiс коркӧ, гашкӧ, ас вывтiыс. Тайӧ висьтыс – сэтшӧм гижӧдъяс пӧвстысь, кодъяс гӧгӧрвоӧдӧны-восьтӧны, мыйла миян йӧз вермисны войнаын врагӧс, кутшӧм нравственнӧй вынӧн крепыд коми морт.

Ичӧтик нывка висьталӧ аслас бать йылысь, и казялам – сэтшӧм югыда, ясыда, челядь синмӧн видзӧдӧ героиня олӧм вылас, чужан поз вылас. Шуда кага уськӧдчӧ батьлы паныд, сывъялӧ сылысь пидзӧсъяс, видзӧдӧ улiсянь сылӧн тшынӧдӧм чужӧмӧ, радлӧ сылӧн мелi нюмлы, кылӧ ыджыд вына дона мортлысь ёнлунсӧ, бурлунсӧ, радейтӧмсӧ.

Бать «рыжӧймӧм да кытсюрӧ розявтӧдз палитчӧм кучик партука да шапкатӧм – дзик мойдкывса багатыр, сувтас кокъяссӧ паськӧдӧмӧн тувсов тӧлыслы воча, куньтыралӧ синъяссӧ да нюмъялӧ…». Татшӧм мича серпасъясыс югдӧдӧны ставнас висьтсӧ. Кӧть кутшӧм сьӧкыд эз лолы героинялы, а югыд видзӧдласыс, мортӧс жалитӧмыс, мортлы эскӧм да пыдди пуктӧм оз кусны сылӧн сьӧлӧмын. Быттьӧ батьыслӧн мелi, гажа мыгӧрыс да сыкӧд медбӧръя лышкыд тулысыс сетiсны мам-ныллы вын и эскӧм…

Ёртъяс, воис кӧ сьӧлӧм выланыд висьтыс, босьтӧй да лыддьӧй небӧгсӧ. Виччысям тiянӧс библиотекаын!

Куратова Нина Никитична. Радейтана, муса : повесть, висьтъяс / Нина Куратова; серпасалiс Л. И. Потапов. - Сыктывкар : Коми книжнöй издательство, 1974. - 175, [1] л.б.

Инвентарнӧй номеръяс: 4053к - дх, 4065к - дх, 4066к - дх, 4067к - а, 4070к - а

  • Искусство медленного чтения
    Искусство медленного чтения
    Монография
  •  ДНК = DNA: история генетической революции
    ДНК = DNA: история генетической революции
    Уотсон Джеймс Дьюи
    Научно-популярная литература
  •  Рабочие отношения
    Рабочие отношения
    Рубан В. Д.
    Популярная психология
  •  В главных ролях
    В главных ролях
    Рунге Татьяна
    Популярная психология
  • Das Göttinger Nobelpreiswunder - 100 Jahre Nobelpreis
    Das Göttinger Nobelpreiswunder - 100 Jahre Nobelpreis
    Cправочное издание
  • Валентина Челинцова
    Валентина Челинцова
    Трифонова Г. С.
    Монография
  • Казимир Малевич и его пророчество о «новом бытие»
    Казимир Малевич и его пророчество о «новом бытие»
    Сидорина Е. В.
    Монография
  • Иконография Сталина
    Иконография Сталина
    Руцинская И. И.
    Монография
< >
Яндекс.Метрика