09 октября 2018 Лыддям челядьлы!Дона лыддьысьысьяс!
141 во сайын октябрь 12-öд лунö чужис коми гижысь, поэт, драматург - Михаил Николаевич Лебедев. И тайö тöдчана кадпас кежлö ми дасьтiм талунъя рубрика.
Михаил Лебедев (Юсь) — выль коми литератураын подув пуктысьяс пиысь ӧти. Гижны босьтчис дас куим арӧсӧн. Медводдза повесьтъяссӧ гижліс роч кыв вылын. 1917–ӧд вося Октябр революцияӧдз на кутіс лӧсьӧдавны кывбуръяс комиӧн. Коми йӧзкостса висьтъяс подув вылын коми йӧзлӧн важ олӧм йылысь лӧсьӧдiс «Кӧрт Айка» да «Яг морт» поэма–мойдъяс . Лӧсьӧдіc коми литератураын выль жанр — оперетка, гижлiс и басняяс, кӧнi серавліс дышъясӧс.
Уна гижöд аслас творчествоын гижысь сиис челядьлы.
И талун ми кöсъям тiянöс тöдмöдны «Зарни чукöр» небöгöн, кодöс сиöма ичöт да шöр школаса велöдчысьяслы. Пырис татчӧ кык поэма-мойд: «Зарни чукöр» да «Яг морт». Мойдыс сы йылысь, кыдзи кык вок кулiсны асласланыс горшлун вöснаыс. Небöгсö гижöма мича коми кывйöн, мед посни войтыр сылысь быд мöвп гöгöрвоисны да сюркнялiсны пель саяныс. Öд миян олöмын лекыс да бурыс дугдывтöг венласьöны öта-мöдыскöд, но бурыд, югыдыд тай пыр вермö, а горшлуныд сöмын пöдтö йöзыслысь сöстöм ловсö.
Лебедев Михаил Николаевич. Зарни чукöр : [поэмаяс] / М. Лебедев. - Сыктывкар : "Коми му", 2009. - 33, [1] л.б.
Инвентарнöй номеръяс: 10802к – дх, 10803к – дх, 10804к - а Лыддьöй челядьлы кывбура гижöдъяссö да донъялöй!
Виччысям тiянöс небöгла! | 
