г. Сыктывкар

ул. Орджоникидзе, 10

8 (8212) 255-422

leninka@nbrkomi.ru

Пн - Пт: с 10.00 до 19.00

Вс: с 10.00 до 17.00

Суббота - выходной

санитарный день

Национальная библиотека Республики Коми
Умная библиотека для общества знаний
Меню
28 мая 2021

«Лыддьысям комиöн» / Обзор краеведческих новинок «Читаем на коми языке»

Дона лыддьысьысьяс! «Выльторъяс» лист бок нимкодьпырысь воссьтö Тима Веньлысь да Сöлö баблысь олан да гижан туй, тöдмöдö Виктор Напалковлöн да Алексей Поповлöн выль гижöдъясöн.

Миян Тима Вень : [комплект плакатов] / МБУК "Усть-Куломская межпоселенческая библиотека"; сост. Л. Е. Липина; худож. Н. Г. Филимонова; фото: В. Остряков и др.]. – Усть-Кулом : [б. и.], 2020. – 1 папка (22 отд. л.) : цв. – На коми, рус. яз.
Миян Тима Вень : [комплект плакатов] / МБУК "Усть-Куломская межпоселенческая библиотека"; сост. Л. Е. Липина; худож. Н. Г. Филимонова; фото: В. Остряков и др.]. – Усть-Кулом : [б. и.], 2020. – 1 папка (22 отд. л.) : цв. – На коми, рус. яз.

Вениамин Тимофеевич Чисталёв – Помöсдiнын чужлöм морт, тöдчана коми-лирик, проза гижысь, драматург, вуджöдчысь, челядьлы велöдчан небöгъяс лöсьöдысь, коми кыв понда тöждысьысь.

Дереваннöй школа помалöм бöрын Тима Вень сдайталiс торъя экзаменъяс да сылы сетiсны учитель ним. Велöдic Пожöгса да Помöсдiнса челядьöс. Танi сiйö гижис комиöн велöдчысьяслы отсасяна небöгъяс : «Быдманторъяс», «Роча-комиа букварь».

1911-1912-öд воясö Тима Вень пырöдчис чужан му туялан котырö, кодöн веськöдлic А. А. Цембер, корсис да чукöрталiс коми йöзкостса фольклор. Том велöдысьлöн чужан му дорö муслуныс паськалic. Сылöн водзмöстчöмöн школаын воссис краеведческöй музей, котыртчiс литература кружок, петiсны стенгазетаяс да ки помысь гижöм журналъяс.

Тима Веньлöн творчествоыс топыда йитчöма роч классика да кольöм нэмса кызьöд воясся поэзиякöд. Том гижысь вуджöдалiс А. К. Толстойлысь, А. С. Пушкинлысь, И. А. Крыловлысь, Н. В. Гогольлысь, М. Ю. Лермонтовлысь да мукöдлысь гижöдъяс да лöсьöдалic на серти ассьыс выль уджъяс. Роч кывйысь вуджöдчöм отсалiс Тима Веньлы аддзыны аслас творчествоын выль мöвпъяс да серпасъяс. Тадзи чужисны «Югыд вой, кöдзыд вой», «Öввö», «Тувсов вой», «Менам кывъясöй», «Поэзия артмöм» кывбуръяс; «Во гöгöр кытшовтöм», «Поводдя вежсигöн», «Арся лунö» ичöтик серпасторъяс; «Ленин гу дорын», «Му вежандыр» поэмаяс.

В. Т. Чисталев видлiс и прозалысь ыджыдджык формаяс, на пиын – помавтöм «Ыджыд висьт» да «Шойна». Удитiс гижны сöмын налысь юкöнъяс, на пöвстын «Тшыг воö», «Трипан Вась», «Шог асыв», «Сартаса биöн» да «Öти…дас куим миллион лыдысь» висьтъяс.

«Миян Тима Вень» – татшöм сьöлöмлы матын ним улын 2020-öд воын чужис Кулӧмдінса овмöдчанiнкостса библиотекалöн петас. Уджтасын öтувтöма кызь кык плакат. Бöрйöм кывбуръяс, вылыс Эжвалöн мичлун фотографияяс пыр, Тима Веньлöн челядьдыр, семья котыр, олöмын сьöкыдлунъяс, гижан туйын медводдза воськовъяс – ставсö тайö чукöртöма öти инö. Выль петас бергöдö миянöс коми литература историяö, кадö, кор öзйисны коми гижысьяс. На пиысь В. Т. Чисталев, кодi ловсö да олöмсö сетiс чужан кывлы. Плакат чукöрлöн аслыспöлöслуныс мича серпасъясын, важся фотографияясын да сылöн ордпу пыртöмын, ставыс восьтö миянлы Тима Веньлысь джуджыд пытшкöса олан туйсö.

Соломония Васильевна Пылаева: [комплект плакатов] / С. Я. Маршак нима Коми Республикаса челядьлöн Национальнöй библиотека; [лöсьöдiс Н. В. Коваль; серпасалiс Е. А. Смолева]. – Сыктывкар, 2020. – На коми яз.
Соломония Васильевна Пылаева: [комплект плакатов] / С. Я. Маршак нима Коми Республикаса челядьлöн Национальнöй библиотека; [лöсьöдiс Н. В. Коваль; серпасалiс Е. А. Смолева]. – Сыктывкар, 2020. – На коми яз.

Соломония Васильевна Пылаева – челядьлы коми гижысь, чужлӧма Сыктывкарын. Сiйö унатор адзылiс олöмас, тöдлiс сьöкыд война кадсö. Аслас олöм йылысь казьтылö: «Водз кольöмаöсь батьтöг,  мамныс лун и вой уджалöма, медым вердны семьясö. Ачыс ичöтдырсяньыс радейтöма лыддьысьны, гижавлöма серамсора олан пасъяс. Видлöма уджын уна нырвизь : вöлöма вöр кылöдысьöн, вузасьысьöн, горбыткомбинатын мастерöн».

Прöст кадö мойдчысь заводитiс гижавны ассьыс мойдъяссö, сьыланъяссö, шусьöгъяссö, кывбура ворсöмъяссö тетрадьö. Медводдзаысь мойдъяссӧ йӧзӧдлӧмаӧсь 1984-ӧд воын «Войвыв кодзув» журналын, а сэсся – мукӧд газет-журналын «Солӧ баблӧн мойдъяс» пас улын. Унджыксö на пиысь мойдысь босьтöма олöмысь. Мыйкö тешкодьтор аддзылас да пыр жö ас ногыс бергöдас да гижас. Та вöсна став мойдыс Сöлö баблöн серамбана. Сёысь унджык мойд, кывбур, ворсантор да мукöд гижöд лöcьöдic нывкаяслы да зонкаяслы. Шоныдöсь да югыдöсь гижöдъясыс, найö гöгöрвоöдöны быдмысь войтырлы коми шмонь да öбича, велöдöны зон-посниöс лоны шаньöн да бурöн йöзкöд, пемöсъяскöд да вöр-вакöд.

Тöдмасям Маршак нима лыддьысянiнлöн выль плаката чукöрöн – «Соломония Васильевна Пылаева», йöзöдöма 2020-öд воын. Выль уджын воссьö Сöлö баблöн олöм да творчество. Паськыджыка тöдмöдöма сылöн коми небöгъясöн: «Эзысь пöрт», «Нерсьысь Баля» «Бöбйöдлысь кань Малань», «Варов лягей», «Пож тыр бöж». Пыртöма фотографияяс да серпасъяс.

Напалков В. Е. Öттор-мöдтор йылысь : повесьтъяс, кывбуръяс, статьяяс, письмöяс, снимокъяс / Виктор Напалков. – Сыктывкар : Услуги типографии, 2021. – 328, [1] лист бок.
Напалков В. Е. Öттор-мöдтор йылысь : повесьтъяс, кывбуръяс, статьяяс, письмöяс, снимокъяс / Виктор Напалков. – Сыктывкар : Услуги типографии, 2021. – 328, [1] лист бок.

Виктор Напалковлöн «Öттор-мöдтор йылысь» выль небöг петic 2021-öд воын Сыктывкарын. Мыйын аслыспöлöслуныс тайö уджыслöн, мыйöн вермас шензьöдны лыддьысьысьясöс? Пыртöма кык повесьт: «Ме тэнö радейта» да «Кöнi тэ, мус ёкмыльöй?» да кывбуръяс. Виктор Егоровичлöн олан да творчество йылысь висьталöны статьяяс, письмöяс, мый вöлi водзын йöзöдöма республикаса газет-журналын. А содтöд мичмöдöны фотографияяс гижысьлöн гортса архивысь.

Мый гижисны разнöй кадö лыддьысьысьяс Виктор Напалков йылысь? «Гижысьлöн творчествоын аслыспöлöслуныс чужан мусянь. Виктор Егорович Напалков чужис 1938 – öд вося июнь 29 лунö Усть-Куломскöй районса Джеджим грездын. Сэнi жö помалic начальнöй школа. А дас класс помалöм могысь сылы ковмис велöдчыны и Донын, и Керчомъяын, и Усть-Куломын. Сэсся помалic Ухтаса лесотехническöй техникум. Буретш сэнi велöдчигöн. «Войвыв кодзув» журналын да «Югыд туй» газетын вöлi йöзöдöма сылысь медводдза кывбуръяс. Техникум бöрын уджалic  вöрын, но том мортöс кыскис журналистикаö. 1960 - öд восянь журналистскöй удж вылын. Вöлi Усть-Куломскöй да Кöрткерöсскöй районнöй газетъяс редакцияясын ответственнöй секретарöн, Коми радиоын да телевидениеын редакторöн, уджавлic «Войвыв кодзув» журнал редакцияын. Öнi «Би кинь» журнал редакцияса ответственнöй секретар» (Югыд туй. 1988).

«Виктор Напалковлöн уна кывбур, 12 повесть да нёль роман. Тайö зэв ыджыд удж. А медводдза кывбурсö гижöма витöд классын велöдчигас ёртъясыскöд. Зонкаяслысь öтувъя уджсö «Войвыв кодзув» журналö мöдöдöма Донса велöдысь, асланыс сьöмыс конверсö ньöбöм вылö абу вöлöма да. Но журналсянь вочакывйыс шогöдöма Джеджимса зонкаясöс. Нёль лист бокын Павел Доронин велöдöма, кыдзи колö кывбур гижны. А медводдза повесьтсö Виктор Напалков йöзöдны абу вермöма: сёйöма кöза. Сэки сiйö велöдчöма нин дасöд классын. – Мам видзлiс кöзаясöс. А гидад пу кöрöбын видзи ассьым тетрадьясöс. Сэтчö жö и пуктi повесьттö. Кватитчи да, куш торпыригыс кольöма, - казьтылö Виктор Егорович» (Коми му. 2013).

«Лыддьылi сылысь став гижöдсö, лыддьöмторъяс эз кольлы веськодьöн. Повестьтъяс, романъяс вöрзьöдöны мыйкö зэв матыссаöс, донаöс. Художествоа кыв отсöгöн Виктор Егорович тöдмöдö чужан мунымлöн олöмысь зэв тöдчана кадколастъясöн. Гижысь веськыда индö сэтшöмторъяс  вылö, кодъяс весьöпöртлiсны йöзöс: вичкояс пузувтöм, мырдöн öтувъя овмöсö пыртöм, мыжтöм йöзöс чужанiнсьыс нетшыштöм, вир кисьтана война кадö олöм…Книгаясас гижысь эскöдана восьтö уна йöзлысь олöм-вылöмсö. Зэв уна шыбöль паныдасьлö романса геройяслöн туй вылын. Уджалicны синмысь би петмöн, эз артасьлыны кадöн, гöрдзасьлic пöсь муслун, быдтiсны ныв-пиянöс, вöлiны восьса сьöлöмаöсь, эз усьны ловнаныс, сьöлöмсянь гажöдчилiсны…» (Парма гор. 2018).

Попов А. В. Висьтъяс / Алексей Попов // Войвыв кодзув. 2021. 4 №. 17-34 л. б.
Попов А. В. Висьтъяс / Алексей Попов // Войвыв кодзув. 2021. 4 №. 17-34 л. б.

Гижысьлöн творческöй удж – тайö сьöкыдлунъяс талялöмöн ыджыд туй. 1971-öд воын «Войвыв кодзув» журнал йöзöдiс «Армия ветлан кад» висьт. Гижис ciйöс Алексей Попов, кодi служитiс сэки Амур обласьтын.

Ветымын во сайся медводдза воськовъяс йылысь нималана коми гижысь казьтылö со кыдзи : «Медводдза висьт йöзöдöм бöрад ме, дерт, эг весиг на лысьт мöвпыштны, мый коркö лоа збыль гижысьöн. Пöсьйывсьыд мöд висьт армияын гижлi да ыстывлi «Войвыв кодзув» журналö, но вочавидзисны, мый абу артмöма. И со, 1971 вося сентябр тöлысь босьтчигöн медводдзаысь веськалi гижысьяслöн семинар вылö. Нуöднысö воисны гижысь котыр правленньöса юралысь, коми драматург Василий Леканов, Геннадий Юшков, кодi сэки вöлi творческöй удж вылö петöма. И меным нимкодь вылö воис Иван Торопов. Быдöн вайис аскöдыс кутшöмкö гижöд. Литератураö пырöдчöмыс менам мунiс кузя да зэв посни воськовъясöн. Уна гижöд бöр бергöдлiсны, мед водзö уджалi сы вылын. Найöс сэсся воштывлi либö косявлi. Мыйсюрö йöзöдлiсны жö... Неважöн босьтчи видлавны ассьым важ висьтъясöс. Аддзи некымынöс, кодъясöс мыйлакö эз йöзöдны «Войвыв кодзулас». Сэки öд быдторйö вермисны крукасьны…».

«Войвыв кодзув» журнал лыддьöм вылö вöзйö Алексей Поповлысь йöзöдлытöм висьтъяс. Тайö «Гусясьöмысь ыджыдджык грек абу», «Чужан муын», «Карса вотчысьяс», «Ылысь вайöм гöтыр», «Мырдöн, а муна».

«Гусясьöмысь ыджыдджык грек абу» висьтлöн нимыс индö, мый лёктор вöчöм – бурöдз оз вайöд. И колö мöвпавны, а колö оз тайö грекыс тэныд ? Шöр герой, Арсень Мить, пенсия бöрын во куим олiс гортас, шойччис. Гашкö и, водзö на тадзи олiс, но карса нылыс овмöдчис кооперативнöй патераö, да ковмис бытьöн отсыштны. Медасис порсь видзан картаö войся стöрöжöн. Гöсьти локтiс Катя Геня сватыс, вöзйис порсьпиянъяссö картасьыс вузавлыны. « ­– Этша тай энь порсьыд пиянсö нырлö. Да и тайö няйт пиас кымынöн пöдлöны. Сы дорысь бурджык вузавны. Йöзыд ассьыныс ёнджыка лелькуйтасны. Яй лоö. Кыдзи öнi шуöны, и тэ пуктан пай, медым продовольственнöй программа олöмö пöртны». Арсень Мить кöть дöзмыштiс сват вылас, но час-мöд пукыштöм да гоз мöдысь картасö кытшовтöм бöрын сiйöс век жö кутiсны йирны гуся мöвпъяс. Бать-мам йылысь усьöм вöт петкöдлiс Арсень Мишлы колана туй.

Вöзъям лыддьыны да донъявны Алексей Вячеславовичлысь висьтъяссö, мый йöзöдöма 2021 вося Войвыв кодзувлöн 4-öд петасын. Гижысь петкöдлöма сиктса олöм, кыпöдöма сэнi олысьяслысь мытшöдъяс да сэтысь петан туй.

  •  Рабочие отношения
    Рабочие отношения
    Рубан В. Д.
    Популярная психология
  • Das Göttinger Nobelpreiswunder - 100 Jahre Nobelpreis
    Das Göttinger Nobelpreiswunder - 100 Jahre Nobelpreis
    Cправочное издание
  • Валентина Челинцова
    Валентина Челинцова
    Трифонова Г. С.
    Монография
  • Казимир Малевич и его пророчество о «новом бытие»
    Казимир Малевич и его пророчество о «новом бытие»
    Сидорина Е. В.
    Монография
  • Иконография Сталина
    Иконография Сталина
    Руцинская И. И.
    Монография
  • Синтез искусств
    Синтез искусств
  •  Связь времен: история искусств в контексте символизма: в рамках проекта. Часть 3
    Связь времен: история искусств в контексте символизма: в рамках проекта. Часть 3
    Монография
  • Связь времен: история искусств в контексте символизма: в рамках проекта. Часть 2
    Связь времен: история искусств в контексте символизма: в рамках проекта. Часть 2
    Монография
< >
Яндекс.Метрика