г. Сыктывкар

ул. Орджоникидзе, 10

ул. Катаева, 41

8 (8212) 255-422

leninka@nbrkomi.ru

Пн - Пт: с 10.00 до 19.00

Сб: выходной

Вс: с 10.00 до 17.00

Последняя среда месяца - санитарный день

санитарный день

Национальная библиотека Республики Коми
Умная библиотека для общества знаний
Меню
20 апреля 2021

Гижан уджлы 50 во

Апрель 14-öд лунö Куратов нима литература музейын чукöртчылiсны чолöмавны Алексей Вячеславович Поповöс. 50 во чöж сiйö зiльö коми литератураын. 1971 вося апрельын «Войвыв кодзулын» вöлi йöзöдöма сылысь «Армияӧ ветлан арлыд» нима медводдза висьтсö. Сэксянь сiйö гижис да йöзöдiс вель уна висьт, повесьт да пьеса. Эмöсь сылöн и публицистика гижöдъяс да челядьлы кывбуръяс.

Та йылысь сёрнитiс коми литература туялысь Татьяна Леонидовна Кузнецова. Сiйö пасйис, мый Алексей Попов кужис корсьны олöмысь торъя здукъяс петкöдлöм могысь ичöт йöрыша аслыспöлöс форма. Нимтöма найöс «олöм войтъясöн». Татьяна Леонидовна тöдчöдiс, мый Ӧльöш Поповöс театръясын пуктöм тешъяс серти тöдöны унаöн, но гижысьлöн эмöсь и повесьтъяс да драмаяс. Интереснö, мый А.Поповлöн пьесаысь мукöдырйи чужö повесьт, а корсюрö, мöдарö, повесьт сюжет серти гижсьö пьеса.

Пасйис тайöс и Коми Республикаса вужвойтырлöн шылада-драмаа театрса художественнöй веськöдлысь Светлана Гениевна Горчакова. Алексей Поповлöн гижöдъяс серти сiйö пуктöма сизим спектакль, и öнi гижысь, кыдз ачыс пасйис, быд асыв заводитö «Баба гожöм» спектакль юкöн кывзöмсянь. А дзик медводдзасö («Мыйсяма йöз») пуктöма драма театрын Евгений Малафеев.

Светлана Гениевна юксис Алексей Вячеславовичкöд ёртасьöмын гусяторъясöн, ошкис драматургöс сыысь, мый сiйö пыр кылö режиссёрöс, кывзö актёръясöс да öти войöн вермö колана инын вежыштны-ладмöдыштны пьесасö сцена вылын пуктöм могысь.

Кывзысьöны пö и асьсö Алексей Поповöс. Коми гижысьяслöн котырöн веськöдлысь Елена Васильевна Козлова пасйис, мый правлениеын Алексей Вячеславович некор оз горзы, оз лэпты асьсö, лöня юксьö аслас мöвпъясöн, но сiйöс пыр кылöны и гижысьяс пöвстын пыдди пуктöны. Кыдз драматург, юксьö серамсор Елена Васильевна, Алексей Вячеславович пö пыр тöдö, кодлы, кор и кöнi колö лоны, кытчö пуксьыны пызан сайын да кор пырны сёян жырйö - юрас пыр кутшöмкö сценарий сяма быттьö.

Аслас сьöлöмкылöмъясöн да мöвпъясöн юксисны и драма театрысь артистъяс: Мария Андреевна Чукарева да Вера Петровна Габова. Найö ворсöны А.Поповлöн гижöд серти драма театрын пуктöм «Коркö аддзысьлам» трагифарсын, и таысь, пасйöны артистъяс, зэв нимкодь налы. Вера Петровна ньöти абу повзьöма спектакльын гортйö водöмысь, а вот еджыд кузь сарпансö режиссерлысь корöма вежны, крукасьла пö вöлi да. Но режиссерыд абу лэдзöма, тэд пö быть колö лоны еджыдöн.

Мария Андреевна пасйис, мый водзтi пö фин-йöгра фестивальяс вылö вöлi ветлам роч кывйысь комиöдöм итальянскöй пьесаясöн, а öнi эм позянлун  и коми спектакльяс вöзйыны, а наын пö миянлы и ворсныс оз ков: став петкöдланторйыс челядьдырся сиктса олöмысь.

Чолöмавны Висер Ӧльöс волiсны «Мужики» да «Подружки» сьылысь котыръяс. Веськöдлысьныс - Коми Республикаса нимöдана уджалысь, композитор Михаил Оверин. Рыт чöж мужичöйяс да аньяс козьналiсны Ӧлексей Поповлы да гöсьтъяслы вель уна гажа да нор роч и коми сьыланкыв.

Ачыс Алексей Попов сёрнитiс жö. Дерт, серамсор. Казьтывлiс челядьдырсö, коми гижысьяскöд аддзысьлöм, велöдiс ворсны зинзибарчикысь. Висьтасис, кыдз вояс мысти вежсис школаын сылöн фотокарточка весьтын öшалысь гижöдыс. «Они позорят нашу Большелугскую школу» пыдди лоöма «Ими гордится школа».

    • Поём о войне и Победе. Старший школьный хор, Выпуск 2
      Поём о войне и Победе. Старший школьный хор, Выпуск 2
      Ноты
    • Поём о войне и Победе. Младший школьный хор, Выпуск 1
      Поём о войне и Победе. Младший школьный хор, Выпуск 1
      Ноты
    • Всем поколениям петь
      Всем поколениям петь
      Чистов Михаил Александрович (1930-2013)
      Ноты
    • Поклонимся великим тем годам!
      Поклонимся великим тем годам!
      Капитанова Н.
      Ноты
    • Запах жизни
      Запах жизни
      Рулёв Сергей
      Научно-популярная литература
    • Песни фронтовых дорог (1941). Обработки произведений разных авторов для голоса, скрипки и виолончели
      Песни фронтовых дорог (1941). Обработки произведений разных авторов для голоса, скрипки и виолончели
      Шостакович Дмитрий Дмитриевич
      Ноты
    • Военные песни
      Военные песни
      Пузикова Любовь
      Ноты
    • Эти песни позабыть нельзя
      Эти песни позабыть нельзя
      Ноты
    < >
    Яндекс.Метрика