г. Сыктывкар

ул. Орджоникидзе, 10

ул. Катаева, 41

8 (8212) 255-422

leninka@nbrkomi.ru

Пн - Пт: с 10.00 до 19.00

Сб: выходной

Вс: с 10.00 до 17.00

Последняя среда месяца - санитарный день

санитарный день

Национальная библиотека Республики Коми
Умная библиотека для общества знаний
Меню
09 февраля 2021

«Лыддьысям комиöн» / Обзор краеведческих новинок «Читаем на коми языке»

53–öд петас воссьö Виктор Напалковлöн «Олöмысь лист бокъяс» выль небöгöн да Василий Лодыгинлöн кывбуръясöн.

Дона лыддьысьысьяс!

Талунъя «Выльторъяс» лист бокын вöзъям тöдмасьны Виктор Напалковлöн, Василий Лодыгинлöн олан  да гижан сямöн, налöн коми кывъя гижöдъясöн.

Напалков В. Е. Олöмысь лист бокъяс : публицистика / Виктор Напалков. - Сыктывкар : Услуги типографии, 2020. - 478, [1] лист бок : серпасъяс. - Текст (визуальный) : непосредственный.
Напалков В. Е. Олöмысь лист бокъяс : публицистика / Виктор Напалков. - Сыктывкар : Услуги типографии, 2020. - 478, [1] лист бок : серпасъяс. - Текст (визуальный) : непосредственный.

Виктор Егорович Напалков – Коми Республикаса нимйӧза гижысь. Чужӧма 1938 воӧ Кулӧмдін районса Джеджим грездын. Эштӧдöма 10 класс Кулӧмдiнса шӧр школаын. Уджалӧма Носим лесопунктын — ув кералысьӧн, вӧр кылӧдысьӧн, мотористӧн электростанцияын. 1959 воын помалӧма Лесотехническӧй техникум. Сэсся уджысь орӧдчытӧг велӧдчӧма Ставсоюзса юридическӧй институтын.

Авторлöн зэв озыр творческöй туйыс. Повестьяс, романъяс, кывбуръяс, публицистика – ставыс тайö лöсялö гижысьлы. Ассьыс олöмсö йитӧма коми журналистика да литературакӧд.

Медводдза кывбуръяс вӧлі йӧзӧдӧма «Коми колхозник» газетын. Очеркъяс да статьяяс петавлісны районса да республикаса печатьын. Гижысьлысь кывбуръяссӧ вуджӧдӧма роч да венгр кывъяс вылӧ.

2020 воын Виктор Напалковлöн петiс «Олöмысь лист бокъяс» выль небöг. Гижысь пасйö:

«Тайö небöгас öтувтöма республикаса «Коми му» газетын йöзöдлöм менсьым статьяяс, кöнi сёрниыс коми кыв, коми литература, коми книга йылысь, и шымыртöма ыджыд кадколаст – 1987 восянь.

Вежcис-ö мыйкö сiйö кадсяньыс чужан кыв да литература сöвмöдöмын ? Вежсис, и вель ёна, но эз бурланьö. Та йылысь зэв ясыда висьталöны коми газет-журналъяслöн талунъя тиражъяс. Налöн öтувъя тиражыс этшаджык коркöя «Йöлöгалöн» либö «Чушканзiлöн» серти.

А книгасö дасьтi сы могысь, медым вужвойтырлöн локтан кöленаяс тöдiсны миян литературнöй олöмысь збыль лист бокъяссö. Татшöм небöгыс республикаын медводдза. И кодi лыддяс сiйöс помсянь-помöдз, гöгöрвоас : мыйла чужан муным кутiс гöльмыны коми писательясöн да поэтъясöн. Статьяясын паныдасьлöны öтсяма примеръяс да фактъяс, но автор найöс оз чинтав».

Виктор Напалковлöн «Олöмысь лист бокъяс» небöг тöдмасiгöн позьö пыдicянь гумовтны уна юöр гижысьлöн олан да гижан сямысь, коми литература паськалöм да сöвмöмысь, пырöдчыны важ кадсянь öнiя олöмö.

Лодыгин В. Г. Чужан мулöн бурыс : кывбуръяс / Василий Лодыгин. – Текст : непосредственный // Войвыв кодзув. – 2021. – 1 №. – 3-6 лист бокъяс : серпас.
Лодыгин В. Г. Чужан мулöн бурыс : кывбуръяс / Василий Лодыгин. – Текст : непосредственный // Войвыв кодзув. – 2021. – 1 №. – 3-6 лист бокъяс : серпас.

Василий Григорьевич Лодыгин - Коми Республикаса нимйӧза поэт, журналист, сьыланкывъяс лӧсьӧдысь, общественнӧй удж вӧчысь.

Чужис 1947 воын Эжва йывса Габов грездын. Эштӧдöма Керчомъяса шöр школа. Велӧдчӧма Коми канмуса педагогика институтын филология факультетын. Уджалӧма школаын, радиоын, «Парма гор», «Коми му»  газетъясын.

Кывбур гижны босьтчис школаын велöдчигöн на. Василий Лодыгинлысь гижöдъяссö позьö аддзыны уна газет да журналысь: «Би кинь», «Войвыв кодзув», «Югыд туй», «Молодёжь Севера»; «Ленин туйӧд», «Звезда», «Маяк Сысолы», «Выль туйöд» да мукöд.

Медшöр темаясыс : чужан му, уджалысь йӧз, томулов да радейтчӧм. Тöдчана пай сылöн поэзияас босьтö философскöй миниатюраяс – 4-8 визя кывбуръяс. Гижöдъяс абу сöмын верстьöлы, но и медся ичöт лыддьысьысьяслы.

Гижö сьыланкывъяс. Республикаса «Василей» гаж котыртысьяс лыдын öти. Василий Лодыгин – Коми ССР-са да Россияса Федерацияса культураын нимйöза уджалысь. Россияса гижысь котырö пырысь.

«Чужан мулöн бурыс» кывбур чукöр йöзöдöма Войвыв кодзув журналлöн 2021 вося тöвшöр тöлысся медводдза номерын. Гижысьлöн кывбуръясыс пыртöны миянöс асланым чужан муö, кытысь позьö гумовтны челядьдыр кад, ёртъясöс, радейтана инъяс.


Лыддьысьöй чужан кыв вылын, паськöдöй-сöвмöдöй сiйöс. Быдöнлöн мед чужас ас му радейтöм, коми кыв тöдны кöсйöм.   

Выль петасъясöн позьö тöдмасьны Национальнöй библиотекаын, небöгъяс сiдзжö верманныд босьтлыны гортö лыддьöм вылö.

  • Иконы женского стиля
    Иконы женского стиля
    Симс Д.
    Монография
  • Кристиан Диор
    Кристиан Диор
    Руссо Ф.-О.
    Биография
  • Жан-Поль Готье. Сентиментальный панк
    Жан-Поль Готье. Сентиментальный панк
    Гуслан Э.
    Биография
  • Vogue. Легенды моды
    Vogue. Легенды моды
    Уатт Д.
    Биография
  • Vogue. Легенды моды
    Vogue. Легенды моды
    Бейрд-Мюррей Кэтлин
    Биография
  • Просто я
    Просто я
    Кавалли Р.
    Автобиография
  •  Как научиться учиться : навыки осознанного усвоения знаний
    Как научиться учиться : навыки осознанного усвоения знаний
    Бозер Ульрих
    Научно-популярная литература
  • Моя звезда была полярной : в 2-х томах
    Моя звезда была полярной : в 2-х томах
    Николай Герасимов
    Документальная проза
< >
Яндекс.Метрика