г. Сыктывкар

ул. Орджоникидзе, 10

8 (8212) 255-422

leninka@nbrkomi.ru

Пн - Пт: с 10.00 до 18.00

Сб, вс: выходной

санитарный день

Национальная библиотека Республики Коми
Умная библиотека для общества знаний
Меню
15 сентября 2020

«Лыддьысям комиöн» / Обзор краеведческих новинок «Читаем на коми языке»

51-ӧд петас тöдмöдö В. Бабин, К. Карманова да А. Бушеневалöн выль гижöдъсöн.

Бабин В. Л. Кöръяс йылысь гажтöм сьылан / Вячеслав Бабин. – Текст : непосредственный // Войвыв кодзув. – 2020. – 3 №. – 63-69 лист бокъяс : фот.
Бабин В. Л. Кöръяс йылысь гажтöм сьылан / Вячеслав Бабин. – Текст : непосредственный // Войвыв кодзув. – 2020. – 3 №. – 63-69 лист бокъяс : фот.

Коми гижысь Вячеслав Леонидович Бабин чужис 1960-öд воын Кулöмдін районса Немдін сиктын. Таво моз 21-öд лунö сылы тырис 60 арöс. Пöся чолöмалам Вячеслав Леонидовичöс тшупöда пасöн да сиам крепыд дзоньвидзалун да творчествоын выль вермöмъяс!

Вячеслав Бабин уджавліс механизаторöн, культура керкаын директорöн, сэсся зiлис Кулöмдін районса «Парма гор» газетын да радиоын.

Гижö кывбуръяс да проза. Сылöн петавлiсны «Сьöлöмшöр», «Öктö Коля коляоз», «Вуджöр», «Вöрса качай» торъя кывбура небöгъяс. Кывбуръяссö йöзöдлiсны сiдзжö «Парма гор», «Ковтöм петасъяс», «Во гöгöр», «Коми челядьлы антология», «Сьылыштам, дзолюк», «Песни северной земли» öтувъя небöгъясын.

Вячеслав Бабинлöн гижöдъясыс тшöкыда петöны «Войвыв кодзув» журналын. Со и 2020-öд вося «Войвыв кодзув» журналлöн 3-öд номерын йöзöдöма сылысь «Кöръяс йылысь гажтöм сьылан» гижöд. Вячеслав Бабин абу кольöма веськодьöн Агния Игнатовалöн кöръяс йылысь гижöд дорö («Парма гор» 2018-öд вося 5 номер). Гижысьлöн майшасьöмыс вöрзьöдöма Вячеслав Бабинöс сы вöсна, мый кор сiйö уджалöма районса газет редакцияын, тшöтш йитчылöма вöрса кöръясыскöд да найöс видзысьяслöн оласногкöд. Тайö аддзысьлöмъяслöн подув вылын кад кольöм мысти артмöмаöсь очеркъяс да весиг кывбуръяс, кодъясöс йöзöдлiсны «Ленин туйöд» да «Югыд туй» газетъяс, «Войвыв кодзув» журнал. На пиысь öти сiдзи и шусис «Кöръяс йылысь сьыланкыв» (сиöма кöр видзысь Фёдор Хозяиновлы).

И сідз, корам тöдмасьны Вячеслав Бабинлöн «Кöръяс йылысь гажтöм сьылан» гижöдöн, кодöс сетöма 2020-öд вося «Войвыв кодзув» журналын 3-öд номерын.

Карманова К. И. Ме век на виччыся, мый локтан : кывбуръяс / Ксения Карманова. – Текст : непосредственный // Войвыв кодзув. – 2020. – 3 №. – 30-32 лист бокъяс : фот.
Карманова К. И. Ме век на виччыся, мый локтан : кывбуръяс / Ксения Карманова. – Текст : непосредственный // Войвыв кодзув. – 2020. – 3 №. – 30-32 лист бокъяс : фот.

Ксения Ивановна Карманова, коми ногӧн Ивӧ Ксюш, чужис 1987-öд воын Эжва йывса Помӧсдін сиктын. Школа помалöм бöрын колльччис овны чужан сиктас.

Кывбуръяс гижны босьтчöма школаын велöдчигöн на. Ксения пасйö ас йывсьыс: «Гижны радейта философскöй темаяс вылö, олöм йылысь, кулöм йылысь; сöмын кывбуръясын верма тырвыйö петкöдлыны ассьым сьöлöм кылöмъяс. Гижöдын корся ассьым визь... Радейта кывзыны Rook-музыка, овлö весиг, тайö ышöдö выль кывбуръяс вылö».

Йӧзӧдчö «Йӧлӧга» газетын да «Войвыв кодзув» журналын.

2006-öд воын «Кöсъя лоны журналистöн» конкурсын босьтöма медводдза тшупöда диплом. 2008-öд воын Ксения лоис «Эзысь борд» нима республикаса конкурсын вермысьöн. А нöшта во мысти нин, татшöм жö конкурсын, босьтiс мöд степеня диплом.

2013-öд воын видлic ассьыс вынсö «Выль нимъяс» республикаса конкурсын, кöнi челядь да том йöз вермасисны художествоа кывйöн вöдитчöмын. Ксения нöшта öтчыдысь лои медводдзаöн.

«Войвыв кодзув» журнал тшöкыда йöзöдö К. Кармановалысь кывбура циклъяс. Петавлicны «Гижтӧм кывбуръяс», «Менам шондіӧй», «Еджыд да сьӧд...», «Выль кывбуръяс», «Нинӧм шогавны сыысь, мый кольӧма...», «Но и олӧм!» да мукöд циклъяс.

2020-öд вося «Войвыв кодзув» журнал коймöд петасысь позьö лыддьыны Ксения Кармановалысь «Ме век на виччыся, мый локтан…» выль кывбура цикл, кытчö öтувтöма вит неыджыд кывбур.

Бушенева А. М. Карандашла: висьт / Альбина Бушенева // Йöлöга. – 2020. – 3 №. – 40-41 лист бокъяс : серпас.
Бушенева А. М. Карандашла: висьт / Альбина Бушенева // Йöлöга. – 2020. – 3 №. – 40-41 лист бокъяс : серпас.

Альбина Михайловна Бушенева – Удора районса Пысса сиктысь ань. Öнi оз нин уджав, а водзтi зiлис роч кыв да литература велöдысьöн. Альбина Бушенева гижны радейтлöма томсяньыс. Йöзöдчылöма «Красное знамя», «Выль туйöд» газетъясын, «Арт» да «Войвыв кодзув» журналъясын. Талун видлöг вылö босьтам «Карандашла» висьт, кодöс йöзöдiс апрель 2020-öд вося «Йöлöга» газет.

Висьтын лоöмторйыс мунö ХХ нэмся 60-öд воясö, но гижöдыс вермас туйдыны и öнiя челядьöс. Шöр герой Семö олö мамыскöд сиктын, быдмö батьтöгыс. Школаын бöръя лунъяс, аскисянь заводитчöны гожся каникулъяс. Зонка вуджис 3-öд классö. Мамыс уджалö колхозын, неыджыд удждон босьтö. А детинкалы вывтi нин окота ньöбны уна рöма карандаш чукöр, кодi эм Коля ёртыслöн, но кысь босьтны сьöмсö? Да и вузалöны  карандашъяссö юрсиктын, Косланын, кытчö веськавны позьö сöмын теплоходöн. Кытысь детинкалы сюрас сьöмыс да удайтчас-ö ньöбны кöрöбын куйлысь мича карандашъяс, тöдмаланныд Альбина Михайловна Бушеневалöн «Карандашла» висьтысь, кодöс йöзöдiс апрель 2020-öд вося «Йöлöга» газет.


Дона лыддьысьысьяс, чужан кывлы донсö аслыным колö кыпöдны – унджык коми кыв вылын небöг лыддьыны, олöмын пырджык вöдитчыны, ас ныв-пиянкöд сёрнитны, пыртны тайöс налы вираныс, висьтавны, кутшöм мича да колана ас кывным. Таысь ставным озырджыкöсь лоам – пытшкöсным и мöвпъясным.

  •  Ленд-лиз для СССР
    Ленд-лиз для СССР
    Быстрова Ирина Владимировна
    Научное издание
  •  Кибервойн@: Пятый театр военных действий
    Кибервойн@: Пятый театр военных действий
    Харрис Шейн
    Научно-популярная литература
  •  Дом Ротшильдов
    Дом Ротшильдов
    Фергюсон Нил (1964-)
    Документальная проза
  •  Эшелон на Самарканд
    Эшелон на Самарканд
    Яхина Гузель Шамилевна
    Роман
  •  Материнская любовь
    Материнская любовь
    Некрасов Анатолий Александрович
    Психология
  • Memento memory : как улучшить память, концентрацию и продуктивность мозга
    Memento memory : как улучшить память, концентрацию и продуктивность мозга
    Сосновцева Е. В.
  • Русский быт накануне Петровских реформ : жилище, еда, одежда, деньги, занятия русских людей в XVII веке
    Русский быт накануне Петровских реформ : жилище, еда, одежда, деньги, занятия русских людей в XVII веке
    Научно-популярная литература
  • Беседы о будущем, которого пока нет
    Беседы о будущем, которого пока нет
    Научно-популярная литература
< >
Яндекс.Метрика