г. Сыктывкар

ул. Орджоникидзе, 10

ул. Катаева, 41

8 (8212) 255-422

leninka@nbrkomi.ru

Пн - Пт: с 10.00 до 19.00

Сб: выходной

Вс: с 10.00 до 17.00

Последняя среда месяца - санитарный день

санитарный день

Национальная библиотека Республики Коми
Умная библиотека для общества знаний
Меню
11 марта 2019

Коми гижысь Ваньӧ Вань – Парма грездса петас

Коми Республикаса войтырсикас небӧгаинын тшӧкыда котыртлам гижысьяскӧд паныдасьӧмъяс. Овлӧ, мый авторыс олӧ ылын, та вӧсна татшӧм аддзысьлӧмсӧ нуӧдам ӧтуввез отсӧгӧн.

Со и рака тӧлысь 6-ӧд лунӧ ӧттшӧтш кык библиотекаын мунiс Иван Ногиевкӧд сёрни. Иван Иванович матыстчис Кулӧмдiнса библиотекаӧ, а ми сыкӧд йитчим скайп пыр.    

Рыт нуӧдысь, Кулӧмдiнса библиотекаын уджалысь Ольга Кочанова  дженьыдика висьтыштiс Иван Ивановичлӧн олантуй да гижан удж йылысь, а сэсся сетiс гижысьлы кыв. Гижысь лыддис ӧткымын ассьыс гижӧд, вочавидзис локтӧмаяслӧн юалӧмъяс вылӧ.

Иван Ногиевӧс унаӧн тӧдӧны серамбана гижӧдъяс серти, но эм висьт-повестьяс, кӧні автор пекткӧдлӧ курыд олӧмсӧ, лыддигӧн весиг-тӧ сьӧлӧмыд нормӧ. Шуам, «Руб» висьтын сёрниыс мунӧ вит арӧса детинка нимсянь, кодi бабыслӧн кулӧм бӧрын ловъя мам дырйи олӧ тшыг нисьӧ пӧт да веськалӧ интернатӧ.

Ӧнія олӧмыслӧн вабергачьяс йылысь, кытчӧ налькйӧ моз шедӧ морт и оз быдӧнлӧн тырмы вежӧр да сям петны сэтысь, ті верманныд лыддьыны «Винегрет» небӧгысь да бӧръя кадӧ «Войвыв кодзув» журналъясысь.

Иван Ивановичлӧн эм кыдзи художествоа гижӧдъяс, сідзи и очеркъяс, шуам «Разведчиклӧн туй» («Войвыв кодзув», 2015 вося 6-ӧд номер), кӧні воссьӧ батьыслӧн, Иван Михайлович Ногиевлӧн, олантуйыс. Нӧшта чужан грездлӧн важ олӧм-йылӧм йылысь, сэтчӧс войтыр йылысь гижӧдъяс петавлісны кулӧмдінса «Парма гор» газетын, медшӧр могыс тайӧ петасъяслӧн тӧдмӧдны том войтырӧс ас мулӧн историяӧн, мед эз вунӧдны вужъяс, кужисны водзӧ висьтавны ас челядь-внуклы.      

Тайӧ да уна мукӧдтор тӧдмалісны воӧмаяс гижыськӧд сёрниысь. Рыт помын Иван Ногиев лыддис «Некытчӧ шогмытӧм висьтъяс» небӧгысь серамбана гижӧд да чолӧмаліс аньясӧс локтысь тувсовъя гажӧн.

Ми аттьӧалам Иван Ивановичӧс да Кулӧмдінса шӧр библиотекаын уджалысьясӧс шоныд аддзысьлӧмысь. Кутам лача, мый и водзӧ на лоасны татшӧм жӧ бур рытпукъяс, кодъяс вылын кутам сёрнитны гижысьяскӧд выль гижӧд-небӧг йылысь.

*Иван Ногиев чужис 1952-ӧд вося кӧч тӧлысь 18-ӧд лунӧ Коми Республикаын Кулӧмдін сикт овмӧдчӧминса Парма грездын.

Лыддьысьысьяс тöдöны Иван Ногиевӧс кыдзи «Парма Вань», тайö сылöн литературнӧй гусяним. Гижны босьтчӧма ыджыдӧн нин. Гижö комиöн челядьлы, серамбана висьтъяс, а сідзжӧ повесьтъяс. Медводдза гижӧдсӧ йӧзӧдӧма 1993-ӧд воын «Парма гор» газетын. Повесьтъяс да висьтъясыс 2001-ӧд восянь йӧзӧдлӧмаӧсь «Войвыв кодзув» да «Чушканзі» журналъясын.

Медводдза «Винегрет» небӧгас пыртӧма 22 висьт да 2 повесьт. Роч вылӧ вуджӧдӧмӧн татшӧм жӧ нима небӧгыс петавлӧма 2017-ӧд воын. «Некытчö шогмытöм висьтъяс» небӧг петӧма 2015-ӧд воын.

Иван Ногиев некымынысь лоис вермысьӧн «Эзысь борд» республикаса литературнӧй конкурсын. Россияса гижысь котырын 2014-ӧд восянь.

*Юöрсö босьтöма «Коми википедия» сайтысь.

1/4
    • Избранные ноктюрны для фортепиано
      Избранные ноктюрны для фортепиано
      Черни К.
      Ноты
    • Vogue. Легенды моды
      Vogue. Легенды моды
      Бейрд-Мюррей К.
      Биография
    •  Боровой
      Боровой
      Жук Владилен Иванович
      Научно-популярная литература
    • Увлекательный букварик : 3-6 лет
      Увлекательный букварик : 3-6 лет
      Научно-популярная литература
    • Усть-Куломская средняя школа : 177-летию посвящается
      Усть-Куломская средняя школа : 177-летию посвящается
      Научно-популярная литература
    • «Приют спокойствия, трудов и вдохновенья»
      «Приют спокойствия, трудов и вдохновенья»
      Смирнова Людмила Евгеньевна
      Научно-популярная литература
    • Печорский романс
      Печорский романс
      Литературный альманах
    • Бунтарки моды
      Бунтарки моды
      Беччиа К.
      Биография
    < >
    Яндекс.Метрика