г. Сыктывкар

ул. Орджоникидзе, 10

ул. Катаева, 41

8 (8212) 255-422

leninka@nbrkomi.ru

Пн - Пт: с 10.00 до 18.00

Сб, вс: выходной

Последняя среда месяца - санитарный день

санитарный день

Национальная библиотека Республики Коми
Умная библиотека для общества знаний
Меню
23 января 2019

Лыддьысям комиöн (Читаем по-коми)

Пыдди пуктана коми войтыр!

Коми Республикаса Национальнöй библиотекалöн ас му туялан да войтырсикас литература юкöдö быд тöлысь воöны выль небöгъяс, кытысь позьö гумовтны уна пöлöс юöр. На пиын и коми кыв вылын художествоа гижöдъяс.

Выль петасъясöн позьö тöдмасьны «Лыддьысям комиöн» листбокын да кывзыны «Коми гор» радио пыр. Библиотекаысь книгаяс тi верманныд босьтлыны гортö лыддьöм вылö.

Лыддьысьöй миянкöд öтшöтш, лыддьысьöй комиöн!

2019-öд во. 41-öд петасъяс

Коми Республикаса Национальнöй библиотекалöн ас му туялан да войтырсикас литература юкöдö воисны челядьлы лыддьöм вылö небöгъяс. Тайö Валентина Васильевна Ивановалöн "Биа öгыр", Людмила Зарниевна Втюриналöн "Шоныдiн", Алёна Александровна Шомысовалöн "Кöчильлы козин", Альберт Егорович Ванеевлöн "Бать пу пöлян".

Бадь пу пöлян : кывбурьяс / Альберт Ванеев ; серпасалic Г. Н. Шарипков. – Сыктывкар : Коми Республикаса гижысь котыр, 2018. – 29, [2] лист бок : серпасъяс.

Альберт Егоровичлöн кывбуръясыс петкöдлöны челядьлысь олан сям, öта-мöдыскöд ёртасьöм, коми му радейтöм.

"Челядь садйö волам,

Ёртасям да олам,

Быд лун вöчам асьным

Сьылан-ворсан праздник…".

Шоныдiн : кывбуръяс / Людмила Втюрина. – Сыктывкар : Анбур, 2018. – 46, [2] лист бок : серпасъяс.

Людмила Зарниевна аслас кывбуръясын восьтö уна рöмöн волысь кадъяс. Быд кывбур дорö велöдчысьяс мыйкö серпасалöмаöсь.

"Ымралö выльвося шондi,

нюмдö, но ньöти оз шонты…

Ывласö лöнь кыа рöмöн

Мичмöдö лун шöрöдз сöмын…".

Биа öгыр : висьтъяс, повесьт / Валентина Иванова. – Сыктывкар : Коми йöзöдчан керка, 2018. – 77, [2] лист бок : серпасъяс.

"Биа öгыр" пыртö ас пытшкас висьтъяс: "Тиль-Тиль", "Лапъяпель», Гöрд сикöтш, Ванюшлы йöв, Ниа, Корс-Корс, Ракаяс, Турипув, Велосипед, Вöрын быдмö пипу, Биа öгыр да повесть «Гора да Гоша».  Шöр геройясыс - ичöтик нывкаяс да зонкаяс. Гижысь тöдмöдö налöн олöм-вылöмöн да тöжд-могöн.

Кöчильлы козин / Алёна Шомысова ; серпасалic И. А. Базарова. – Сыктывкар : Коми Республикаса гижысь котыр, 2018. – 14, [2] лист бок : серпасъяс.

Алёна Александровналöн кывбуръясыс восьтöны быдлунъя олöмысь чуймöдана здукъяс, ыджыд муслунöн петкöдлöны вöр-ва мичсö.

"Воймöм керка пельöсын –

Купальнича дзу,

Синтö ёрö югыднас –

Шондi тыра ю…".

Выль небöгъяс гижöма челядьлы лыддьöм вылö, но найöн вермасны  тöдмасьны и верстьö войтыр. Öд быдöнлы телепит гöгöрвоны, мый вöчöны посни войтыр, кутшöм мöвпъясöн олöны-вылöны, кыдзи найö сöвмöны паськыд олöмö петтöдз.

Зарава : кывбуръяс / Михаил Елькин. – Сыктывкар : Коми Республикаса гижысь котыр, 2018. – 318, [1] лист бок. - (Звезды Севера).

Михаил Елькинöс бура тöдöны республикаын. Медводдза кывбурсö йöзöдлöма 1973 воын "Войвыв кодзув" журналын. Тайö кадсяньыс поэтлöн петiс кывбуръяса квайт книга: "Öзын", "Восьса сьöлöмöн", "Лысва", "Бурас эскöмöн", "Арся дзоридзьяс", "Кодзула эжа". Тöдчана уджöн лои Каллистрат Жаковлысь "Биармия" поэма вуджöдöм. Тайö уджсьыс поэтлы вöлi сетöма Иван Алексеевич Куратовлысь Государственнöй премия.

Михаил Елькин чужис 1958 вося ноябрь 21 лунö Сыктывдiн районса Шошка сиктын. Школа эштöдöм бöрын уджавлiс вöр кылöданiнын, Ухтаса эксподицияын гидролöгöн. Помавлiс уджалысь том йöзлысь рытъя школа да Москваын Горький нима Литература институт.

Уна во вöлi "Войвыв кодзув" журналса редакторöн, сэсся шöр редакторöн. Томысянь поэт бостчис гижны челядьдыр йылысь, кужöмöн петкöдлiс бать-мам дорö муслун, восьтiс вöр-валысь мичсö.

2018 воын петic Михаил Андреевичлöн выль кывбура небöг "Зарава".

Творчествоыс коми поэтлöн зэв озыр. Сiйö бостчö уна темаясö. "Зарава" небöг шымыртö кывбуръяс, кöнi петкöдлöма чужан му, вöр-ва дiнö муслун. Вöр-ваыс Михаил Елькинлöн – ловъя. Сiйö морт моз олö, ставсö кылö и гöгöрвоö – радлö, бöрдö, серпасалö, нюмъялö, ворсöдчö.

"Ветлöдла арыскöд нöрысъяс пöлöн,

Пармаас синваöдз муса быд мыр –

Здукъясöн весигтö пола, мый сьöлöм

Сьöла моз егырас жбырнкнитас – жбыр!..".

Быдöнлы матын и гöгöрвоана поэтлöн муслуныс ас чужан му дорö, матысса йöз дорö, чужан сикт дiнö. Лирика герой чужан мусö пыдди пуктö, сы вöсна шогсьö.

Тöдчанаöн Михаил Елькинлöн поэзияын лоö мам да пöч образ. Найöс казьтылöм век öтувтчö чужан сикт йылысь мöвпъясöн.

"Пувъя шаньга… Картупеля… Рыська…

Ноксьöмсьыд эз дöзмыв, сьöлöмшöр!

А ме корсьлыскыдджыксö кыськö…

Ак, он бергöд челядьдыртö бöр…".


Ми лоам зэв радöсь, кутанныд кö и водзö тöдмасьны миян "Лыддьысям комиöн" петасъясöн да пыравлыны Национальнöй библиотекаö! Виччысям!

Лыддьысям комиöн (Читаем по-коми)
2019-öд во. 41-öд петасъяс
  •  О теле души
    О теле души
    Улицкая Людмила Евгеньевна
    Роман
  •  Слова, которые нам не говорили родители
    Слова, которые нам не говорили родители
    Прах Вячеслав
    Роман
  • Сестры спринг
    Сестры спринг
    Тодд Анна
    Роман
  • Овощеводство. Агротехника капусты
    Овощеводство. Агротехника капусты
    Старцев Виктор Иванович
    Учебник
  •  Карантинные болезни растений
    Карантинные болезни растений
    Чебаненко Светлана Ивановна
    Учебное пособие
  •  Дистанционные (аэрокосмические) методы комплексной оценки лесных ресурсов
    Дистанционные (аэрокосмические) методы комплексной оценки лесных ресурсов
    Любимов Александр Владимирович
    Учебное пособие
  • Эффективность и культура природопользования
    Эффективность и культура природопользования
    Кочуров Борис Иванович
    Монография
  •  Основы лесного хозяйства и таксация леса
    Основы лесного хозяйства и таксация леса
    Основы лесного хозяйства и таксация леса : учебное пособие для студентов, обучающихся по специальностям 250300
    Учебное пособие
< >
Яндекс.Метрика