Лыддьысям комиöн (Читаем по-коми)

Ильина А. Муслун : висьт / Анжела Ильина // Войвыв кодзув. 2018. 10 №. 14-19 лист бокъяс. Пер. загл.: Любовь : рассказ.

Анжела Сергеевна Ильина чужис Эжва йывса Шахсиктын (Пожöг сиктлöн юкöн). Том автор окотапырысь босьтчöма гижны школаас неыджыд конкурс бöрти. 2004-öд воын республикаса «Кöсъя лоны журналистöн» конкурсын Анжела лои коймöдöн. Во мысти сiйö велöдчис нин том журналистъяслöн Гожся университет курсъяс вылын да босьтiс «Парма гор» газетса «Лöсас» нима литература конкурсын мöд места.

Анжела Ильина пырöдчö прозаö да поэзияö. Кутшöмсюрö гижöдъяс том авторлöн петавлісны «Йöлöга» да Эжва йывса войтырлöн «Парма гор» газетъясын. «Войвыв кодзув» журнал йöзöдлiс том аньлысь уна сикас кывбур: «Асывнас ӧшиньӧс восьта...», «Вочаалам тэкӧд шонді чеччӧм...», «Зарни лысваӧн дзирдалӧ асыв...», «Киссьӧм ватӧ он нин сэсся курав...», «Кыпыд гажыс лэдзис зумыд вужъяс...», «Лыддьӧ письмӧ дзормӧм мам...», «Лэбӧны, лэбӧны, лэбӧны...», «Нималас мед водзӧ Пожӧг сикт...» да мукöд.

2018-öд вося «Войвыв кодзув» журналлöн 10-öд номерын йöзöдöма Анжела Ильиналысь «Муслун» нима висьт. Танi петкöдлöма сiдз шусяна «мусукасян куимсэрöг». Гижöдын висьтавсьö Надя да Лёша нима шöр геройяслöн радейтчöм йылысь. Накöд орччöн олöмтi мунö нöшта öти том морт – Костя нима герой. Кыдзи артмас том йöзлöн олöмныс, кутшöм мытшöдъяс лоöны на костын та йылысь и тöдмöдö «Муслун» нима висьт.