г. Сыктывкар

ул. Орджоникидзе, 10

8 (8212) 255-422

leninka@nbrkomi.ru

Пн - Пт: с 10.00 до 19.00

Вс: с 10.00 до 17.00

Суббота - выходной

санитарный день

Национальная библиотека Республики Коми
Умная библиотека для общества знаний
Меню
16 ноября 2018

«Ы». Панас

Вӧльгым тӧлысь 15 лунӧ Национальнӧй библиотекаӧ волісны том коми гижысьяс. Накӧд аддзысьлӧмыс лоис панасӧн «Небӧг восьтӧм» клублӧн «Том.ru» нима выль листбоклы.

Алёна Шомысова, Любовь Ануфриева, Вадим Семяшкин да Мария Шахова висьталісны «Ы» журнал да «Лито-Арт» котыр йылысь, лыддисны ассьыныс гижӧдъяс, вочавидзисны юалӧмъяс вылӧ.

Сыктывкарса канму университетын велӧдчысьяс тшӧтш пырӧдчисны сёрниӧ. Медводз ворсігмоз казьтыштісны «ы» шыпассянь пансьысь коми кывъяс. Ӧта-мӧдлы сунис шыблалігсор быдӧн висьталіс ӧти-кык кывйӧн – татшӧм ногӧн артмис кывъя-суниса ӧтувъя вез.

Та бӧрын Алёна Шомысова тӧдмӧдіс выль тэчаса коми гижӧдъясӧн. «Ас ордым» ним улын лэдзӧм висьт-туйясын абу ни ӧти пас, кывъясыс быттьӧ гартчӧмаӧсь ӧта-мӧдыскӧд, ӧти мӧвпысь чужӧ мӧд и артмӧ помасьлытӧм гижӧд, сідз шусяна «вежӧр визув». Асыспӧлӧслуныс сыын, мый лыддьысьысь ачыс пуктӧ пасъяс, татшӧм ногӧн сійӧ пырӧдчӧ гижӧдас да быттьӧ лоӧ соавторӧн.  

Рыт вылӧ локтысьяс асьныс видлісны лӧсьӧдны неыджыд висьт, кодлӧн быд кыв заводитчис «ы» шыпассянь. Ичӧт кадколаст мысти том войтыр дасьтісны со татшӧм гижӧд: «Ыркыд ывлаын, ылын-ылын ыджыд ыж ышловзис. Ымӧстӧмыс ылькнитіс ыркыдас. Ыбкай ыззис ыпъёвмунӧмысь…».

 Ворсӧм бӧрын кывсӧ босьтіс Вадим Семяшкин, лыддис «Кӧин» нима гижӧд, пасйис, мый «Ы» петас сетӧ позянлун петкӧдчыны том войтырлы, аддзыны ас ордым.

Сылӧн гижысь ёрт – Мария Шахова кывбуръяс лыддьӧм кындзи висьталіс кыдзи уджалӧ «Лито-Арт» котыр, кодӧн веськӧдлӧ коми поэт Елена Афанасьева. Татшӧм чукӧртчӧмъяс вылын том гижысьяс видлалӧны ӧта-мӧдлысь кывбур-висьтъяс, донъялӧны гижанног, мӧвп тэчас да кывлысь тӧдчанлунсӧ. Медшӧрыс, Маша кывъяс серти, колӧ велӧдчыны асьтӧ донъявны, ӧд кодлы кӧ воӧны тэнад кывбуръясыд сьӧлӧм вылас, а кодлыкӧ и оз. Татшӧм паныдасьӧмъясыс сетӧны позянлун видзӧдлыны гижӧд вылад мӧд синъяс пыр.

 

Ассьыс видзӧдлассӧ «Ы» петасын йӧзӧдӧмъяс серти висьталіс и Любовь Ануфриева. Сійӧ тӧдчӧдіс, мый корсьны да ышӧдны том йӧзӧс гижны – абу кокни, та вӧсна быть колӧ пыртны выль жанръяс, лӧсьӧдны ас гижӧд визьяс, кыдз шуам «висьт-туйяс», «висьт-рӧм» да сідз водзӧ. Нӧшта коми литература сӧвмӧдӧм – озырмӧдӧм могысь колӧ вуджӧдны коми вылӧ мукӧд кыв вылысь гижӧдъяс  да мӧдарӧ – тӧдмӧдны коми гижӧдъясӧн роч муын олысь войтырӧс. Рыт нуӧдысьяс шыӧдчисны коми, роч да англия кывъяс тӧдысь медводдза курсын велӧдчысьяс дорӧ, корисны, мед найӧ пырӧдчасны вуджӧдчӧмӧ, видласны асьсӧ выль уджын.

Татшӧм  паныдасьӧмъяссӧ библиотекаын кӧсъям нуӧдны тӧлысьнас ӧтчыдысь. Локтан аддзысьлӧмыс лоас ӧшым тӧлысьӧ.

Стӧчмӧдам, мый «Ы» петасӧн ті верманныд тӧдмасьны «Арт» журналлӧн лист бокъяс вылысь. Важ да ӧнія коми периодика позьӧ лыддьыны миян библиотекаын, а нӧшта «Коми газет-журналлӧн чукӧр» отсӧгӧн аддзыны электроннӧй версияяс (http://www.nbrkomi.ru/str/id/248 ).

  • Искусство медленного чтения
    Искусство медленного чтения
    Монография
  •  ДНК = DNA: история генетической революции
    ДНК = DNA: история генетической революции
    Уотсон Джеймс Дьюи
    Научно-популярная литература
  •  Рабочие отношения
    Рабочие отношения
    Рубан В. Д.
    Популярная психология
  •  В главных ролях
    В главных ролях
    Рунге Татьяна
    Популярная психология
  • Das Göttinger Nobelpreiswunder - 100 Jahre Nobelpreis
    Das Göttinger Nobelpreiswunder - 100 Jahre Nobelpreis
    Cправочное издание
  • Валентина Челинцова
    Валентина Челинцова
    Трифонова Г. С.
    Монография
  • Казимир Малевич и его пророчество о «новом бытие»
    Казимир Малевич и его пророчество о «новом бытие»
    Сидорина Е. В.
    Монография
  • Иконография Сталина
    Иконография Сталина
    Руцинская И. И.
    Монография
< >
Яндекс.Метрика