г. Сыктывкар

ул. Орджоникидзе, 10

8 (8212) 255-422

leninka@nbrkomi.ru

Пн - Пт: с 10.00 до 19.00

Вс: с 10.00 до 17.00

Суббота - выходной

санитарный день

Национальная библиотека Республики Коми
Умная библиотека для общества знаний
Меню
09 ноября 2018

Алексей Поповлӧн олӧм войтъяс

2018 вося вӧльгым тӧлысь 8 лунӧ библиотекаын вӧлі Алексей Поповкӧд паныдасьӧм да сылысь «Олӧм войтъяс» выль небӧг нимӧдӧм.

Небӧг – тайӧ ыджыд козин кыдзи гижысьлы, сідз и лыддьысьысьлы. Библиотекаӧ чукӧртчисны ас йӧз чолӧмавны ас мортӧс, на пӧвстын Коми Республикаса гижысь котырӧн веськӧдлысь Елена Васильевна Козлова, «Коми йӧзӧдчан керкалӧн» веськӧдлысьӧс вежысь Лариса Тимофеевна Попова,  Коми наука шӧринса кыв, литература да история институтлӧн литературоведение секторӧн веськӧдлысь Татьяна Леонидовна Кузнецова.

Алексей Вячеславович пасйис, мый небӧгсӧ лэдзис «Коми йӧзӧдчан керка» Коми Республикаса Юралысьлӧн администрация вичмӧдӧм сьӧм вылӧ. Татчӧ ӧтувтӧма бӧръя кадас гижӧм повесьтъяс да висьтъяс.  

Ми, лыддьысьысьяс, лыддям сьӧлӧмӧн – кажитчӧ либӧ оз кажитчы, а туялысьяс мӧд синмӧн видзӧдӧны гижӧдъяс вылад: кутшӧм сылӧн тэчас, пытшкӧсса вежӧртас, кыв юрганног, образность да мукӧд нырвизь серти донъялӧмӧн.  «Мый торйӧдӧ Алексей Вячеславовичлысь гижӧдъяссӧ мукӧд коми гижысьяс дорысь» юалӧм вылӧ Татьяна Кузнецова тӧдчӧдіс, мый, медводз кӧ, тайӧ – коми олӧм-вылӧмсӧ, коми мортлысь пытшкӧслунсӧ бура тӧдӧм; мӧд-кӧ, талунъя ёсь мытшӧд-гӧрӧдъяс восьтыны кужӧм, неморт сяма олӧм  эрдӧдӧм, восьса сьӧлӧма войтырлысь быдлунся тӧжд-могъяслысь коланлунсӧ петкӧдлӧм – и ставсӧ тайӧ шмонь пыр лэдзӧма, кӧнкӧ курыд, а кӧнкӧ и серамбана.  

Чолӧмаліс гижысь ёртсӧ выль петасӧн и Елена Козлова да содтіс, мый Алексей Вячеславович – Коми Республикаса нимйӧза гижысь, сійӧс пыдди пуктӧны да радейтӧны Коми мулӧн быд пельӧсын, коми сикт-грездын сійӧ - виччысяна гӧсьт, сідз жӧ кыдзи и сылӧн гижӧдъясыс.

Рыт вылын  гижысь висьталыштіс ас йылысь, вочавидзис локтӧмаяслӧн юалӧмъяс вылӧ -  и пыр шмонитӧмӧн, мукӧд дырйи весиг-тӧ сьӧкыд вӧлі эскыны, збыль вылас-ӧ вӧлі тайӧ олӧмас либӧ жӧ Алексей Попов гусьӧникӧн юрас выль висьт нин гижӧ.

Ми сиам Алексей Вячеславовичлы бур дзоньвидзалун да кыпыд ас кылӧм, мед гижан ручкаын пастаыс эз помась да петіс кипод улысь уна на гижӧд-висьт, повесть да пьеса. Кутам лача выль паныдасьӧмъяс вылӧ.  

А налы, кодъяс эз вермыны волыны миян чукӧртчӧм вылӧ, вӧзъям тӧдмавны вочакывъяс сетӧм юалӧмъяс вылӧ:   

  1. Алексей Поповлӧн кык гусяним, на пиысь ӧтиыс Висер Ӧль. Кутшӧм мӧдыс?

- Коми Ӧльӧш

- Камай Олеш

- Макарсиктса

  1. Медводдза небӧг, кодӧс босьтӧма библиотекаысь да лыддьӧма А.Попов – тайӧ «Дзизгысь-дзазгысь гут». Мый вӧчӧма гижысь лыддьӧм бӧрас?

- Бӧр нуӧма библиотекаӧ

- Козьналӧма радейтана нылыслы

- Листбокъяссьыс вӧчалӧма чикышъяс

  1. Квайтӧд классын роч литература школаас велӧдӧма бокысь локтӧм ань. Кутшӧм сылӧн вӧлӧма профессия?

- тракторист

- доярка

- ветеринар

  1. Ичӧт классын велӧдчигӧн мамыслы Аньяслӧн лун кежлӧ ас киӧн вӧчӧма медводдза козин. Мый тайӧ?

- вышивайтӧм ныр чышкӧд

- пуысь ичӧтик улӧс

- марьямольысь сикӧтш

  1. Дзолядырйиыс сылы кодкӧ шуӧма, мый кӧсъян кӧ тӧдмавны, коді лоас тэнад гӧтырыд, колӧ артавны 100 лэбысь самолёт да видзӧдлыны мыш саяд. Коді сэні сулалӧ – сійӧ и гӧтырыд лоас. Кымын кад босьтӧма Алексей Поповлӧн медым артавны сёӧд самолётӧдзыс? 

- куим вежон

- квайт тӧлысь

- ӧти во  

 

 

    • Искусство медленного чтения
      Искусство медленного чтения
      Монография
    •  ДНК = DNA: история генетической революции
      ДНК = DNA: история генетической революции
      Уотсон Джеймс Дьюи
      Научно-популярная литература
    •  Рабочие отношения
      Рабочие отношения
      Рубан В. Д.
      Популярная психология
    •  В главных ролях
      В главных ролях
      Рунге Татьяна
      Популярная психология
    • Das Göttinger Nobelpreiswunder - 100 Jahre Nobelpreis
      Das Göttinger Nobelpreiswunder - 100 Jahre Nobelpreis
      Cправочное издание
    • Валентина Челинцова
      Валентина Челинцова
      Трифонова Г. С.
      Монография
    • Казимир Малевич и его пророчество о «новом бытие»
      Казимир Малевич и его пророчество о «новом бытие»
      Сидорина Е. В.
      Монография
    • Иконография Сталина
      Иконография Сталина
      Руцинская И. И.
      Монография
    < >
    Яндекс.Метрика