г. Сыктывкар

ул. Орджоникидзе, 10

8 (8212) 255-422

leninka@nbrkomi.ru

Пн - Пт: с 10.00 до 19.00

Вс: с 10.00 до 17.00

Суббота - выходной

санитарный день

Национальная библиотека Республики Коми
Умная библиотека для общества знаний
Меню
12 октября 2018

Муслуныд – морт моз жӧ чужлӧ сӧмын ӧтчыд

2018 вося йирым тӧлысь 11 лунӧ библиотекаын нимӧдісны Виктор Напалковлысь «Йӧг каллян» небӧг. Библиотекаӧ воліс гижысьлӧн гӧтырыс Наталья Дубская, коді вуджӧдӧ повесть-романъяссӧ роч кыв вылӧ.

Рыт вылӧ воӧмаяс казьтыштісны, мый Виктор Егорович  чужӧма 1938 вося лӧддза-номъя тӧлысь 29-ӧд лунӧ Кулӧмдін районса Джеджим грездын. 1955 воын помалӧма 10 класс Кулӧмдiнса шӧр школаын. Во уджалӧма Носим лесопунктын — ув кералысьӧн, вӧр кылӧдысьӧн, мотористӧн электростанцияын. 1959 воын помалӧма Лесотехническӧй техникум. Сэсся уджысь орӧдчытӧг велӧдчӧма Ставсоюзса юридическӧй институтын.1960 восянь уджалӧма районса да республикаса газет-журналъясын кывкутысь секретарӧн, республикаса радио да телевидениеын — редакторӧн.

Виктор Напалковлӧн кывбуръясыс кутісны петны 1956 восянь. «Войвыв кодзув» лист бокъясын йӧзӧдісны дас кык повесьт, нёль роман, кык поэма, кывбуръяс да статьяяс.

«Йӧг каллян» небӧгö гижысьыс пыртӧма татшӧм жӧ нима роман,  кык повесть да кывбуръяс. Романлӧн шӧр геройыс — Викентий Григорьевич Кузнецов, журналист, гижысь. Кыдзи и романлӧн автор - унатор аддзывлӧм, быдлаті ветлӧм морт, коді пыдісянь мӧвпалӧ коми мулӧн да татчӧс олысьяслӧн олӧм-вылӧм йылысь, аддзӧ олӧмлысь мытшӧдъяс да сьӧлӧмсяньыс кӧсйӧ найӧс разьны, кӧсйӧ гӧгӧровны мӧд мортӧс да сылысь аскиа туйвизьсӧ.

Романас гижысьыс гартӧма-ӧтувтӧма збыль олӧмын вӧвлӧмторъяс да лӧсьӧдӧм-мӧвпыштӧмторсӧ, гарыштӧма уналы тӧдса коми йӧзӧс. И ставыс тайӧ отсалӧ бурджыка гӧгӧровны сӧвет кадся да ӧнія олӧмлысь русӧ.

«Йӧг каллян» романлӧн водзкывъяс автор вайӧдӧ Расул Гамзатовлысь кывъяс: «Мича сё нылӧс радейтіг тэын, Сё пӧв ёнаджыка радейта тэнӧ». Шӧр геройлӧн олан туй вылас паныдасьлӧ уна ныв, но век жӧ сьӧлӧмас видзӧ сӧмын Анфиса нима аньӧс, кодкӧд торъялісны уна вояс сайын, но муслуныс сы дорӧ эз чусмы. Паныдасясны-ӧ, тӧдасны-ӧ ӧта-мӧдсӧ да мый йитӧ найӧс уна вояс пыр – тӧдмаланныд роман лыддьӧм бӧрын.

Мыйла буретш романыслӧн нимыс - Йӧг каллян? Кутшӧм вежӧртас сійӧ кутӧ? Мый вылӧ индӧ? И збыль олӧмас гижысьлӧн тайӧ калляныс эм-ӧ? Тайӧ да мукӧд юалӧмъяс вылас вочавидзис Наталья Васильевна.

Рыт вылӧ локтӧмаяс юксисны Виктор Напалковлӧн гижӧдъяс серти асланыс видзӧдласъясӧн, лыддисны сылысь кывбуръяс, вочавидзисны гижысьлӧн олан туй да творчество серти юалӧмъяс вылӧ.

Сёрни помын Наталья Дубская козьналіс гижысьӧн кырымалӧм выль небӧгсӧ Владимир Александрович Порошкинлы, коді лыддьӧма Виктор Напалковлысь став гижӧдсӧ да висьтасис сьӧлӧм вылӧ воана небӧгъяс йылысь.

Вӧзъям и тіянлы неуна ворсыштны. Вочакывъяс верманныд ыстыны  kray@nbrkomi.ru пошта кудйӧ 2018 вося вӧльгым тӧлысь 12-ӧд лунӧдз. 

  1. Мыйла эз петав «Дзор гыяс» медводдза повесть?

а. сёйисны кӧзаяс

б. воштісны пошта вылын

в. бипур пестісны

  1. Гижысьлӧн шӧр специальность

а. инженер-механик

б. техник-механик

в. киномеханик

  1. Коді коми гижысьяс пиысь шуис В.Напалковлы: «Виктор, тэнад ставыс на водзын, сӧмын эн сетчы юӧмлы»

а. Владимир Безносиков

б. Иван Изъюров

в. Серафим Попов

  1. Кымын во сайын медводдзаысь йӧзӧдісны Виктор Напалковлысь кывбуръяс «Войвыв кодзув» журналын?

а. 60 во сайын

б. 65 во сайын

в. 55 во сайын

  1. Кутшӧм нимпас сетісны В.Напалковлы 2018 воын?

а. Коми Республикаса заслуженнӧй уджалысь

б. Коми Республикаса нимйӧза гижысь

в. Куратов нима Коми Республикаса Правительстволӧн премия лауреат

  1. Кымын небӧг петіс Виктор Напалковлӧн?

а. 18

б. 16

в. 20

< >
1/2
  • Искусство медленного чтения
    Искусство медленного чтения
    Монография
  •  ДНК = DNA: история генетической революции
    ДНК = DNA: история генетической революции
    Уотсон Джеймс Дьюи
    Научно-популярная литература
  •  Рабочие отношения
    Рабочие отношения
    Рубан В. Д.
    Популярная психология
  •  В главных ролях
    В главных ролях
    Рунге Татьяна
    Популярная психология
  • Das Göttinger Nobelpreiswunder - 100 Jahre Nobelpreis
    Das Göttinger Nobelpreiswunder - 100 Jahre Nobelpreis
    Cправочное издание
  • Валентина Челинцова
    Валентина Челинцова
    Трифонова Г. С.
    Монография
  • Казимир Малевич и его пророчество о «новом бытие»
    Казимир Малевич и его пророчество о «новом бытие»
    Сидорина Е. В.
    Монография
  • Иконография Сталина
    Иконография Сталина
    Руцинская И. И.
    Монография
< >
Яндекс.Метрика