25 ноября 2020 Комиын овъясДона лыддьысьысьяс!
Талун вöзъям тöдмасьны Фёдор Плесовскийлöн "Комиын овъяс" небöгöн.
Тайö небöгсö лöсьöдöма сы могысь, мед тöдмöдны коми войтырöс, кыдзи чужисны да сöвмисны коми муын овъяс.
Öнi Коми республикаын олö зэв уна пöлöс овъяса войтыр. Коми республикаса МВД-лöн справочнöй бюро серти, овыс Комиын некымын сюрс. Коми да роч овъяс кындзи, эмöсь украинскöйяс, чувашскöйяс, татарскöйяс, немецкöйяс да с. в. Видлавны найöс ставсö некыдз он вермы. Сы вöсна татчö пыртöма сöмын сэтшöм овъяс, кодъяс вöлiны Коми муын XX-öд нэмöдз.
Ёртъяс, тöдмасьöй небöгнас. Радöсь лоам виччысьны тiянöс библиотекаын! Плесовский Ф. В. Комиын овъяс / Фёдор Плесовский ; лöсьöдiс И. Л. Жеребцов. - Сыктывкар, 1997. - 139, [3] л. б.
Инвентарнöй номеръяс: 7786к - кр, 7788к - дх, 7789к - дх, 7793к - а, 7792к - ао. | 
