31 октября 2018 Арся сьыланкыв Дона лыддьысьысьяс!
Со и колис зарни ар, водзын виччысьö кузь тöв. Медбöръя арся лунъясö кöсъям тöдмöдны тiянöс Николай Пунеговлöн «Арся сьыланкыв» небöгöн.
Николай Трофимович Пунегов, коми гижысь, журналист (1919—1985) чужис Сыктыв вожса Поёл сиктын. Помаліс рабфак да велӧдысьяслысь курсъяс. Вӧлі кывкутысь секретарӧн да редакторӧн Кулӧмдін районса «Ленин туйӧд» газетын, веськӧдліс «Югыд туй» республикаса газетын промышленносьт юкӧдӧн.
Ассьыс медводдза висьтъяссӧ да очеркъяссӧ йӧзӧдіс «Войвыв кодзув» журналын да «Югыд туй» газетын.
«Арся сьыланкыв» - тайö гижöд чукöр, кытчö пырис 10 висьт: «Турияс лэбӧны», «Кор ми пӧрысьӧсь», «Козина чышъян», «Татшӧм менам уджӧй», «Сергейлӧн бать», «Кымӧръяс разалӧны», «Тувсов дзоридзьяс», «Кӧні тэ, дона мортӧй», «Тулыс», «Портрет».
Висьтъясыс йиджтысьöмаöсь мелiлунöн да шоныдöн, сэнi олысь геройясыс чужтöны сьöлöмын мича да шань кöсйöмъяс, олöм йылысь кыпыд думъяс.
Ёртъяс, чайтам, мый гижöд чукöрыс воас тiянлы сьöлöм выланыд!
Пунегов Николай Трофимович. Арся сьыланкыв : висьтъяс / Николай Пунегов ; серпасалiс П. И. Семячков. - Сыктывкар : Коми кн. изд-во, 1970. - 54, [2] л. б.
Инвентарнöй номеръяс: 3697к – кр, 3698к – дх, 3699к – дх, 10299к - а
Лыддьöй да донъялöй небöгсö! | 
